وفاقی وزیرانسانی حقوق شیریں مزاری نے کہا ہے کہ ہجوم کی بنیاد پر انسانی حقوق کی خلاف ورزی قابلِ قبول نہیں ہے۔
شیریں مزاری نے تقریب سے خطاب کرتے ہوئے کہا کہ فیصلہ آباد کے شرمناک واقعہ پر پولیس سے رابطے میں ہیں، ملزمان کو گرفتار کیا جا چکا ہے، ہجوم کی بنیاد پر انسانی حقوق کی خلاف ورزی قابلِ قبول نہیں ہے۔
ان کا کہنا تھا کہ وزیر اعظم عمران خان اور حکومت کا موقف اس حوالے سے واضح ہے، دیہاتوں میں حقہ اسموکنگ سے خواتین کی صحت متاثر ہو رہی ہے، معاشرے میں عدم مساوات بھی بڑا معاملہ ہے۔
وفاقی وزیر انسانی حقوق شیریں مزاری نے مزید کہا کہ گھروں میں بچوں کو بچیوں پر ترجیح دی جاتی ہے، بچوں کو اسکول بھیجا جاتا ہے اور بچیوں کو روکا جاتا ہے۔
واضح رہے کہ گزشتہ روز شیریں مزاری نے اپنے جاری کردہ ایک بیان میں کہا تھا کہ سیالکوٹ واقعے کا دن پوری قوم کیلئے شرمناک تھا۔
ان کا کہنا تھا کہ اسلام امن اور برداشت کا مذہب ہے، ماضی میں بھی ایسے واقعات ہو چکے ہیں ، اب وقت آگیا ہے ریاست سخت ایکشن لے۔
وفاقی وزیر انسانی حقوق شیریں مزاری کا مزید کہنا تھا کہ اس قسم کے واقعات ناقابلِ قبول ہیں، اب ہمیں دوبارہ اپنے قوانین کا جائزہ لینا ہے کہ نیشنل ایکشن پر کہاں عمل درآمد نہیں ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News