حکومت نے سمندر پار پاکستانیوں کو ووٹ کا حق دینے کا اپنا وعدہ پورا کیا ہے ، عمران اسماعیل

ویب ڈیسک

28th Dec, 2021. 04:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے سمندر پار پاکستانیوں کو ووٹ کا حق دینے کا اپنا وعدہ پورا کیا ہے ، عمران اسماعیل

عمران اسماعیل نے کہا ہے کہ حکومت نے سمندر پار پاکستانیوں کو ووٹ کا حق دینے کا اپنا وعدہ پورا کیا ہے۔

گورنر سندھ عمران اسماعیل سے امریکہ سے آئے ہوئے سمندر پار پاکستانیوں کے 11 رکنی وفد نے گورنر ہاؤس میں ملاقات کی جس میں انہوں نے کہا کہ بیرون ملک مقیم پاکستانی ملکی ترقی میں کلیدی کردار ادا کر رہے ہیں اور حقیقی معنوں میں پاکستانیوں کا مثبت امیج پیش کر رہے ہیں۔

انہوں نے کہا کہ پاکستان میں پہلی بار ادارہ جاتی اصلاحات حقیقی روح کے ساتھ جاری ہیں ، موجودہ حکومت نے سمندر پار پاکستانیوں کو ووٹ کا حق دینے کا اپنا وعدہ پورا کیا ہے ، سمندر پار پاکستانیوں کا پاکستان کی معاشی مضبوطی میں کلیدی کردار ہے۔

عمران اسماعیل نے کہا کہ بیرون ملک کام کرنے والے پاکستانیوں کی املاک کے تحفظ کو یقینی بنانے کے لیے ملک میں اوورسیز پاکستانیز کمیشن اور کاؤنٹرز قائم کیے گئے ہیں۔

گورنر سندھ نے ملک کی سماجی و اقتصادی ترقی میں سمندر پار پاکستانیوں کے کردار کو سراہا۔

وفد کے ارکان نے حکومتی کاوشوں کو سراہا اور ان کے مسائل کے حل میں گہری دلچسپی پر وزیر اعظم عمران خان کا شکریہ ادا کیا۔