اسد عمر کا کہنا ہےکہ انشاءاللہ گوادرکے عوام ترقیاتی منصوبوں کا اثر اپنی روز مرہ زندگی میں دیکھیں گے۔

وفاقی وزیر برائے منصوبہ بندی اور این سی او سی کے سربراہ اسد عمر نے سماجی رابطے کی ویب سائٹ ٹوئٹر پر جاری اپنی ٹوئٹ میں کہاکہ وزیراعظم کی  ہدایات پر آج زبیدہ جلال اور خالد منصور کے ساتھ گوادر کا دورہ کیا، وزیر اعلیٰ اور ان کی ٹیم کے ساتھ تفصیلی میٹنگ میں گوادر کے تمام منصوبوں کا جائزہ لیا اور کام کو تیز تر کرنے کے لئے فیصلے کئے۔

وزیراعظم کے ہدایات پر آج زبیدہ جلال اور خالد منصور کے ساتھ گوادر کا دورہ کیا. وزیر اعلیٰ اور ان کی ٹیم کے ساتھ تفصیلی میٹنگ میں گوادر کے تمام منصوبوں کا جائزہ لیا اور کام کو تیز تر کرنے کے لئے فیصلے کئے. انشاءاللہ گوارد کے عوام ان منصوبوں کا اثر اپنی روز مرہ زندگی میں دیکھیں گے.

— Asad Umar (@Asad_Umar) December 16, 2021

واضح رہےکہ اس سے قبل وزیراعلیٰ بلوچستان میرعبدالقدوس بزنجو کی زیر صدارت گوادر کے ترقیاتی منصوبوں کی پیش رفت کا اعلیٰ سطحی اجلاس ہوا جس میں گوادر تحریک کے مطالبات اوران پر عملدرآمد کی پیش رفت کا بھی جائزہ لیا گیا۔

اجلاس میں چیئرمین گوادر پورٹ اتھارٹی نے ترقیاتی امور پر بریفنگ دی۔

اس کے علاوہ اجلاس میں گوادریونیورسٹی، گوادرکیڈٹ کالج،ووکیشنل ٹرینگ سینٹر کے قیام ، پینے کے صاف پانی کی فراہمی اور دیگر امور کا بھی جائزہ لیا گیا۔

 اجلاس میں وفاقی وزراء زبیدہ جلال ، اسد عمر ، وزیراعظم کے مشیر برائے سی پیک خالد منصور ، صوبائی وزراء میر ظہور بلیدی اور سید احسان شاہ نے شرکت کی۔