ویرات کوہلی کو ون ڈے کی کپتانی سے ہٹائے جانے کے بعد اسٹار بلے باز ٹوئٹر پر ٹاپ ٹرینڈ بن گئے۔

بھارتی کرکٹ بورڈ نے گزشتہ روز لیجنڈری بلے باز ویرات کوہلی سے ون ڈے کی کپتانی چھینتے ہوئے روہت شرما کو ٹی ٹوئنٹی کے بعد ون ڈے ٹیم کا کپتان بھی مقرر کردیا تاہم ٹیسٹ کرکٹ کی قیادت تاحال ویرات کوہلی کے پاس موجود ہے۔

ون ڈے کرکٹ میں بطور کپتان زبردست ریکارڈ ہونے کے باوجود کپتانی سے برطرف کیے جانے پر بھارتی کرکٹ شائقین ٹوئٹر پر بی سی سی آئی کے فیصلے کو سخت تنقید کا نشانہ بنارہے ہیں اور اس وقت ویرات کوہلی ٹوئٹر پر ٹرینڈ کررہے ہیں۔

#viratkholi said he will continue as odi captain….this is totally the decision of bcci alone, bcci is turning as south africa cricket board….full on politics pic.twitter.com/XYEvfOgwLR

Advertisement

— Swa (@Swa92762187) December 8, 2021

ایک صارف نے ویرات کوہلی کی ٹی ٹوئنٹی کپتانی سے استعفیٰ دینے کی پرانی ٹوئٹ کو ری ٹوئٹ کرتے ہوئے لکھا ’’ ویرات نے واضح طور پر لکھا ہے کہ وہ صرف ٹی ٹوئنٹی کی کپتانی سے الگ ہوں گے اور ون ڈے ٹیم کی قیادت جاری رکھیں گے جب کہ یہ بھارتی بورڈ کا اپنا فیصلہ ہے جس میں بھرپور سیاست چل رہی ہے۔‘‘ْ

So, Virat Kohli was sacked. He didn’t voluntarily step down. #ViratKohli

— Ihtisham Ul Haq (@iihtishamm) December 9, 2021

احتشام الحق نامی صارف نے کہا ’ویرات کوہلی خود ہی ون ڈے کپتانی سے الگ نہیں ہوئے بلکہ انہیں برطرف کیا گیا‘‘۔

دوسری جانب بھارتی ون ڈے ٹیم کے نئے کپتان روہت شرما نے ایک بیان میں کہا کہ ویرات کوہلی اب بھی ٹیم کے لیڈر ہیں اور ہمیں ویرات جیسے بلے باز کی اشد ضرورت ہے۔

A leader who led the side with grit, passion & determination. 🇮🇳🔝

Thank you Captain @imVkohli!👏👏#TeamIndia pic.twitter.com/gz7r6KCuWF

Advertisement

— BCCI (@BCCI) December 9, 2021

واضح رہے ویرات کوہلی نے 95 میچوں میں بھارتی ٹیم کی قیادت کی جس میں 65 میں فتح اور 27 میچوں میں شکست ہوئی جب کہ ان کی جیت کا تناسب 70.43 فیصد رہا۔ اس دوران انہیں بطور کپتان 19 میں سے 15 سیریز میں فتح نصیب ہوئی۔

Virat Kohli's batting never faltered as ODI captain 👊 pic.twitter.com/ApFlKnySr4

— ESPNcricinfo (@ESPNcricinfo) December 9, 2021