کیپٹن ر صفدر نے دوسری شادی سے متعلق بیان پر کہا کہ دوسری شادی وہ کرتا ہے جس کو پہلی بیوی لاتیں مارے ، ہمارے گھر سکون ہے۔

سپریم کورٹ کے باہر کیپٹن ر صفدر نے میڈیا سے گفتگو کرتے ہوئے کہا ہے کہ ہمارا کیس ایک ظالم شخص اعجاز افضل کیخلاف ہے ، وہ شخص سپریم کورٹ میں جج رہا مگر ریٹائرمنٹ کے بعد زمینوں پر قبضے شروع کر دیئے۔

انہوں نے کہا کہ اعجاز افضل سے کوئی پوچھنے والا نہیں ہے ، میرے والد کی زمین پر قبضہ کرنے کی کوشش کی گئی ، اعجاز افضل جب وکیل تھا تو قادیانیوں کے مقدمے لڑتا تھا ، سپریم کورٹ کے فیصلے پر مطمئن ہوں۔

کیپٹن ر صفدر نے کہا کہ مجھے پتا تھا ہم فاتح ہوں گے ، آج سرکاری حاضری دونگا ، ہمارا کیس ایبٹ آباد منتقل کیا گیا ہے وہاں بھی پیش ہوں گے ، ہماری دادی نانی دیساں دا راجا گاتی تھیں مریم نے گایا تو کیا ہوگیا ، مریم نواز جیسی لیڈر اور کوئی نہیں۔

انہوں نے کہا کہ جنید کی شادی پر ووٹ کو عزت دو والا گانا چلے گا ، بیٹے کی شادی پر گانا بھی گاؤں گا ، ڈانس بھی کروں گا ، ہم نے شادی کا سادہ پروگرام رکھا ہے صرف قریبی رشتہ دار ہونگے ، شادی پر ون ڈش پروگرام رکھیں گے ، آصف زرداری اور بلاول شادی پر نہ بھی آئیں کوئی بات نہیں ، آصف زرداری صاحب ہمارے دل میں ہیں۔

کیپٹن ر صفدر نے کہا کہ بلاول نہ بھی بلائے میں اس کی شادی میں جاؤں گا کیونکہ کراچی میں مجھے پولیس نہیں پکڑے گی ، دوسری شادی وہ کرتا ہے جس کو پہلی بیوی لاتیں مارے ، ہمارے گھر سکون ہے ، فواد چوہدری کو جہلم میں مچھلی بھی کوئی اداھار نہیں دیتا ، یہ شام کو پانی بھی ادھار مانگ کر پیتے ہیں۔