رضاکارانہ خدمات سرانجام دینے والی تنظیموں کا کردار مثالی حیثیت رکھتا ہے، عثمان بزدار

ویب ڈیسک

05th Dec, 2021. 11:40 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رضاکارانہ خدمات سرانجام دینے والی تنظیموں کا کردار مثالی حیثیت رکھتا ہے، عثمان بزدار

وزیر اعلیٰ پنجاب سردار عثمان بزدار نے کہا ہے کہ رضا کارانہ خدمات سرانجام دینے والی تنظیموں کا کردار معاشرے کیلئے مثالی حیثیت رکھتا ہے۔

انہوں نے رضا کارانہ خدمات سر انجام دینے والے افراد اور تنظیموں کے عالمی دن پر پیغام دیتے ہوئے کہا کہ رضاکارانہ خدمات سر انجام دینے والے قدرتی آفات میں اپنی جانوں کی پرواہ کئے بغیر انسانیت کی مدد کرتے ہیں۔

عثمان بزدار نے کہا کہ ارضاکاروں کے جذبے سچے اور مقاصد نیک ہوتے ہیں، والنٹیئرز رنگ و نسل سے بالاتر ہو کر مشکل حالات میں لوگوں کے کام آتے ہیں، رضا کارانہ خدمات سرانجام دینے والی تنظیموں، اداروں اور افراد کا کردار معاشرے کیلئے مثالی حیثیت رکھتا ہے۔

انہوں نے کہا کہ دکھی انسانیت کی بے لوث خدمت کرنا انسانیت کی اعلیٰ اقدار اور دین اسلام کا بنیادی درس ہے، زلزلہ، سیلاب یا دیگر قدرتی آفات کے دوران رضا کار تنظیموں کا کردار انتہائی اہم ہوتا ہے۔

وزیر اعلیٰ پنجاب کا کہنا ہے کہ اس دن کا بنیادی مقصد عوامی بھلائی کے کاموں میں مصروف افراد اور تنظیموں کو خراج تحسین پیش کرنا ہے۔

عثمان بزدار نے مزید کہا کہ آج ہمیں انسانی فلاح و بہبود کیلئے کام کرنے والے امدادی کارکنان کی ہر ممکن حوصلہ افزائی کے عزم کا اعادہ کرنا ہے۔