ٹاٹینہم فٹ بال کلب کے باس انتونیو کونٹی نے کہا کلب مینجرز اور لیگ انتظامیہ کے مابین کووڈ کے حوالے سے ہونی والی میٹنگ وقت کا ضیاع تھی۔

انہوں نے کہا اہم موضوع پر ہونے والی میٹنگ میں سب نے صرف دیوار سے باتیں کی ہیں، اس میٹنگ میں کیا طے کیا گیا اس کا پتہ کسی بھی نہیں ہے۔

لیگ انتظامیہ نے کلب مینجرز کے ساتھ ہونے والی میٹنگ میں اومیکرون کے خدشے پر بحث کی گئی۔

میٹنگ میں طے کیا گیا کہ 26 دسمبر سے کرسمس ویک کے دوران پریمئیر لیگ کے میچز جاری رہیں گے۔

واضح رہے کہ 26 دسمبر کے تین میچ اومیکرون کے باعث منسوخ کر دیئے گئے ہیں، منسوخ ہونے والے میچوں کی کل تعداد 13 ہو گئی ہے۔

پریمئیر لیگ میں رواں ہفتے کے دوران کل 90 کورونا کے کیس مثبت آئے ، جن میں کھلاڑیوں سمیت کلب اسٹاف بھی شامل ہیں۔

ٹاٹینہم فٹ بال کلب کے باس انتونیو نے کہا کہ اگر مجھ سے کوئی اس میٹنگ کے بارے میں پوچھے گا تو میں یہی کہوں گا کہ یہ وقت کا ضیاع تھی۔

اٹلی سے تعلق رکھنے والے انتونیو کو کہنا تھا کہ میٹنگ میں سب ایک دیوار سے باتیں کر رہے تھے جس کا کوئی نتیجہ نہیں نکلنا تھا۔

دوسری جانب انگلش پریمئیر لیگ کی انتظامیہ نے انتونیو کے بیان پر اپنا ردعمل دیتے ہوئے کہا کہ انتونیو نے میٹنگ میں بحث میں حصہ ہی نہیں لیا۔

واضح رہے کہ پریمئیر لیگ میں پہلے کورونا وائرس کی نشاندہی کے بعد انتونیو کونٹی واحد شخص ہیں جو پریمئیر لیگ کی مکمل طور پر منسوخی کے حق میں کھڑے ہیں۔