جاپان نے بھاری سرمایہ کاری کے ذریعے پاکستانی معاشی ترقی میں کردار ادا کیا ہے، اسد عمر

ویب ڈیسک

14th Dec, 2021. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جاپان نے بھاری سرمایہ کاری کے ذریعے پاکستانی معاشی ترقی میں کردار ادا کیا ہے، اسد عمر

اسد عمرنے کہا ہے کہ جاپان نے بھاری سرمایہ کاری اور روزگار کے ذریعے پاکستانی معاشی ترقی میں کردار ادا کیا ہے۔

وفاقی وزیر برائے منصوبہ بندی ترقی اسد عمر سے پاکستان میں جاپان کے نئے سفیر مسٹر واڈا مٹسوہیرو کی ملاقات ہوئی جس میں مختلف شعبوں کے ساتھ ساتھ خصوصی اقتصادی زونز میں دو طرفہ تعلقات اور مستقبل کی سرمایہ کاری پر تبادلہ خیال کیا گیا۔

ملاقات میں اسد عمر نے جاپانی تاجروں اور سرمایہ کاروں کو پاکستان میں انفراسٹرکچر کے شعبے میں سرمایہ کاری کی دعوت دی۔

وفاقی وزیر اسد عمر نے کہا کہ پاکستان میں موجود جاپانی کمپنیوں نے پاکستان کے ساتھ دیرینہ کاروباری تعلقات قائم کئے ہیں، جاپان نے بھاری سرمایہ کاری اور روزگار کے ذریعے پاکستانی معاشی ترقی میں کردار ادا کیا ہے۔

اس موقع پر جاپان کے نئے سفیر مسٹر واڈا مٹسوہیرو نے کہا کہ بہت سے جاپانی سرمایہ کار اقتصادی زونز میں سرمایہ کاری میں دلچسپی رکھتے ہیں، ہمیں ان سرمایہ کاروں کو مستقبل میں پاکستان میں سرمایہ کاری کرنے کے لیے سہولت فراہم کرنے کی ضرورت ہے۔

جاپانی سفیر نے مزید کہا کہ جاپانی سرمایہ کار آنے والے دنوں میں اپنے کاروبار کو مزید آگے لائیں گے۔