پاکستان اسٹاک ایکسچینج میں کاروباری ہفتے کے چوتھے روز انڈیکس میں زبردست اتار چڑھاؤ ریکارڈ کیا گیا ہے۔

اسٹاک ایکسچینج (پی ایس ایکس) میں کاروباری ہفتے کے چوتھے روز دن کے آغاز پر ہی اومی کرون کا پہلا کیس سامنے آنے کے بعد 100 انڈیکس میں 515 پوائنٹس کمی ریکارڈ کی گئی جس کے بعد 100 انڈیکس 43 ہزار 331 کی سطح پر ٹریڈ کر رہا ہے۔

گزشتہ روز بھی پاکستان اسٹاک ایکسچینج میں کاروباری سرگرمیوں کا آغاز ہوا تو 100 انڈیکس 44 ہزار 139 پوانئٹس پر موجود تھا لیکن سرمایہ کاروں کی جانب سے فروخت کے رجحان نے مارکیٹ کو مندی کی لپیٹ میں لے لیا، ایک وقت میں ہنڈریڈ انڈیکس 200 سے زائد پوائنٹس کی کمی بھی دیکھی گئی۔

تاہم بعد میں مندی تیزی میں تبدیل ہوئی اور کاروباری کے اختتام پر 100 انڈیکس 6.62 پوائنٹس کی کمی کے بعد 43 ہزار 846 پر بند ہوا۔

دوسری جانب ڈالر کی اونچی اڑان بھی برقرار ہے، آج دن کے آغاز پرانٹر بینک میں ڈالر 27 پیسے مہنگا ہوگیا، انٹر بینک میں ڈالر 177روپے 70 پیسے کی نئی بلند سطح پر پہنچ گیا ہے۔