ملک کے بیشترعلاقوں میں آج موسم خشک اور سرد رہے گا۔

اسلام آباد کا موسم:

اسلام آباد میں آج موسم بدستورخشک اور سرد رہے گا۔

محکمہ موسمیات کے مطابق اسلام آباد میں آج کم سے کم درجہ حرارت 5 ڈگری سینٹی گریڈ تک رہنے کا امکان ہے۔

اسلام آباد میں ہوا میں نمی کا تناسب 56 فیصد تک رہنے کا امکان ہے۔

بلوچستان کا موسم:

وادی کوئٹہ سمیت بلوچستان کے بیشتر اضلاع میں موسم سرد اور خشک رہے گا۔

محکمہ موسمیات نے بتایا ہے کہ کوئٹہ میں کم سے کم درجہ حرارت01، قلات میں منفی 2 ڈگری سینٹی گریڈ ریکارڈ کیا گیا ہے۔

اس کے علاوہ بارکھان میں 07، گوادر میں14، جیونی میں 15 ڈگری سینٹی گریڈ ریکارڈ کیا گیا ہے۔

محکمہ موسمیات کا کہنا ہے کہ خضدار میں 09،نوکنڈی میں 11ڈگری سینٹی گریڈ ریکارڈ، جبکہ پنجگور میں09 ، پسنی میں15 ڈگری سینٹی گریڈ ریکارڈ کیا گیا ہے۔

خیبرپختونخوا کا موسم:

صوبہ خیبرپختونخوا کے بیشتر اضلاع میں موسم بدستور خشک اور پہاڑی علاقوں میں رات اورصبح کے دوران شدید سرد رہے گا۔

محکمہ موسمیات نے بتایا کہ تاہم پشاور، مردان ، چارسدہ، نوشہرہ، ڈی آئی خان اور صوابی میں رات اور صبح  کے اوقات اسموگ اور دھند چھائے رہنے کا امکان ہے۔

سندھ کا موسم:

صوبہ سندھ کے بیشتر اضلاع میں موسم بدستور خشک رہے گا۔

تاہم صبح کے اوقات میں سکھر، لاڑکانہ ، شہید بینطیر آباد، موہنجو داڑو اور گردونواح میں ہلکی دھند اور اسموگ چھائے رہنے کا امکان ہے۔

کشمیر/ گلگت بلتستان کا موسم:

کشمیر اور گلگت بلتستان میں مطلع جزوی ابر آلود اور رات اور صبح  کے اوقات میں موسم شدید سرد رہے گا۔

کشمیر اور گلگت بلتستان میں موسم ابر آلود رہنے کے علاوہ ہلکی بارش اور پہاڑوں پر ہلکی برفباری کا امکان ہے۔

 پنجاب کا موسم:

صوبہ پنجاب کے بیشتر اضلاع میں موسم بدستور خشک رہے گا۔

محکمہ موسمیات نے بتایا ہے کہ پنجاب کے میدانی علاقوں میں اسموگ اور ہلکی دھند چھائی رہے گی، اس دوران شہری احتیاطی تدابیر اختیار کریں۔

شمالی علاقہ جات میں مطلع ابر آلود رہے گا، بعض مقامات پر ہلکی بارش اور پہاڑوں پر ہلکی برفباری کا امکان ہے۔