ٹینس کی دنیا کی مشہور خاتون ٹینس کھلاڑی سیرینا ولیمز نے آسٹریلین اوپن میں شرکت کرنے سے انکار کر دیا ہے۔

7 مرتبہ کی وومینز سنگل ٹینس چمئین سیرینا ولیمز کو آسٹریلین اوپن ٹینس کی انتظامیہ نے آج انٹری لسٹ سے ریلیز کر دیا ہے۔

سیرینا ولیمز ومبلڈن ٹینس ایونٹ کے ابتدائی راؤنڈ میچ میں ہیمسٹرنگ انجری کا شکار ہو گئیں تھی، جس کی وجہ سے وہ ڈبلیو ٹی اے ٹور کے مقابلوں میں حصہ نہ لے سکی تھیں، ٹینس کورٹ سے کئی ماہ سے دور رہنے کی وجہ سے ان کی عالمی رینکنگ بھی 41 پر آ گئی ہے۔

آسٹریلین اوپن ٹینس کے سی ای او کریگ ٹائلی نے اپنے بیان میں کہا تھا کہ سیرینا ولیمز میلبورن پارک کورٹ میں آسٹریلین اوپن کے لئے ایکشن میں نظر آ سکتی ہیں ، مگر سیرینا ولیمز کے انکار کے بعد اب سیرینا ولیمز کی ایونٹ میں شرکت کی امیدیں دم توڑ چکی ہیں۔

شائقین ٹینس کے لئے سیرینا ولیمز کی آسٹریلین اوپن میں عدم شرکت باعث مایوسی ہے، دوسری جانب مبصرین نے آسٹریلین اوپن کو سیرینا ولیمز کے کیرئیر کا آخری ایونٹ قرار دیا تھا۔

واضح رہے کہ سیرینا ولیمز عالمی ٹینس میں مرد و خواتین کھلاڑیوں میں واحد کھلاڑی ہیں جنہوں نے اپنے کیرئیر میں 23 گرینڈ سلم ٹورنامنٹس اپنے نام کئے ہیں۔