سیرینا ولیمز کا گرینڈ سلم آسٹریلین ٹینس اوپن کھیلنے سے انکار

ویب ڈیسک

08th Dec, 2021. 08:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیرینا ولیمز کا گرینڈ سلم آسٹریلین ٹینس اوپن کھیلنے سے انکار

ٹینس کی دنیا کی مشہور خاتون ٹینس کھلاڑی سیرینا ولیمز نے آسٹریلین اوپن میں شرکت کرنے سے انکار کر دیا ہے۔

7 مرتبہ کی وومینز سنگل ٹینس چمئین سیرینا ولیمز کو آسٹریلین اوپن ٹینس کی انتظامیہ نے آج انٹری لسٹ سے ریلیز کر دیا ہے۔

سیرینا ولیمز ومبلڈن ٹینس ایونٹ کے ابتدائی راؤنڈ میچ میں ہیمسٹرنگ انجری کا شکار ہو گئیں تھی، جس کی وجہ سے وہ ڈبلیو ٹی اے ٹور کے مقابلوں میں حصہ نہ لے سکی تھیں، ٹینس کورٹ سے کئی ماہ سے دور رہنے کی وجہ سے ان کی عالمی رینکنگ بھی 41 پر آ گئی ہے۔

آسٹریلین اوپن ٹینس کے سی ای او کریگ ٹائلی نے اپنے بیان میں کہا تھا کہ سیرینا ولیمز میلبورن پارک کورٹ میں آسٹریلین اوپن کے لئے ایکشن میں نظر آ سکتی ہیں ، مگر سیرینا ولیمز کے انکار کے بعد اب سیرینا ولیمز کی ایونٹ میں شرکت کی امیدیں دم توڑ چکی ہیں۔

شائقین ٹینس کے لئے سیرینا ولیمز کی آسٹریلین اوپن میں عدم شرکت باعث مایوسی ہے، دوسری جانب مبصرین نے آسٹریلین اوپن کو سیرینا ولیمز کے کیرئیر کا آخری ایونٹ قرار دیا تھا۔

واضح رہے کہ سیرینا ولیمز عالمی ٹینس میں مرد و خواتین کھلاڑیوں میں واحد کھلاڑی ہیں جنہوں نے اپنے کیرئیر میں 23 گرینڈ سلم ٹورنامنٹس اپنے نام کئے ہیں۔