سول جج  تھرپارکر نے از خود نوٹس لیتے ہوئے مقامی انتظامیہ کو ہدایت کی ہے کہ کارونجھر پہاڑ کی کٹائی کا کام بند کرائے اور مشینری اپنی تحویل میں لے۔

تھرپارکرمیں واقع تاریخی اورسیاحتی مقام کارونجھرپہاڑ کی کٹائی کے معاملے پرجوڈیشنل مجسٹریٹ سول جج تھرپارکرنے ازخود نوٹس لیتے ہوئے حکم دیا کہ نے کارونجھر پہاڑ کی کٹائی کرنے والی کمپنیاں فوری کام بند کردیں۔

سول جج تھرپاکر نے ایس پی تھرپارکرونگ کمانڈر رینجرز، ننگر پارکراسسٹنٹ کمشنر، مختیارکار ایچ اوزننگر پارکراور ڈانو ڈاندل کو پہاڑوں کی کٹائی کا کام بند کرانے کا حکم دے دیا ہے۔

سول جج و جوڈیشل مجسٹریٹ نےازخود نوٹس لیتے ہوئے کہا کہ پہاڑوں پرکٹائی کرنے والی تمام مشینری اورپتھراٹھانے والی ٹرانسپورٹ کو ہٹایا جائے۔

سول جج تھر پارکر نے کمپنیوں کے مالکان کو 6 جنوری 2022 کوعدالت میں ذاتی حیثیت میں حاضر ہونے کا حکم نامہ جاری کرتے ہوئے ڈپٹی کمشنرتھرپارکر، ڈائریکٹر معدنیات، اسسٹنٹ ڈائریکٹر سیاحت و ثقافت اور دیگر ملحقہ محکمات سے رپورٹس اور دستاویزات طلب کرلیں۔

دوسری جانب سپریم کورٹ کراچی رجسٹری میں بھی کارونجھر پہاڑ کی کٹائی کے معاملے پر گونج سنائی دی۔

درخواست گزار نےعدالت کو بتایا کہ کارونجھر پہاڑ کو کاٹا جا رہا ہے۔ کارونجھر پہاڑ نگر پارکر میں ہے اور اس کی خوبصورتی قدرتی ہے۔

کارونجھر پہاڑ پر نایاب پتھرو کی کٹائی ہو رہی ہے۔ اس طرح نگر پارکر کی خوبصورتی کو تباہ کیا جارہا ہے۔

چیف جسٹس آف پاکستان نے اپنے ریمارکس میں کہا کہ کارونجھر پہاڑپرتو پورا پاکستان جاتا ہے۔ کون کاٹ رہا ہے کارونجھر پہاڑ کو؟

درخواست گزار نے عدالت کو بتایا کہ محکمہ مائینزاینڈ منرلزوالے کاٹ رہے ہیں۔