الیکشن کمیشن آف پاکستان نے بلدیاتی انتخابات میں الیکٹرانک ووٹنگ مشین کے تجربے کا فیصلہ کرلیا۔
ذرائع الیکشن کمیشن کا اس حوالے سے کہنا ہے کہ پائلٹ پراجیکٹ کے نتائج کی روشنی میں الیکٹرانک ووٹنگ مشین (ای وی ایم) کے مستقبل کا فیصلہ ہوگا۔
ذرائع کے مطابق الیکشن کمیشن نے پائلٹ پراجیکٹ کیلئے وزارت سائنس و ٹیکنالوجی سے رجوع کرتے ہوئے درخواست کی ہے کہ بلدیاتی انتخابات میں تجربے کیلئے 70 کے قریب مشینیں فراہم کی جائیں۔
ذرائع کے مطابق الیکشن کمیشن کو وزارت سائنس و ٹیکنالوجی کے جواب کا انتظار ہے۔ ای وی ایم کی فراہمی کے شیڈول پر فیصلہ ہوگا کہ تجربہ کس صوبے کے الیکشن میں ہوگا۔
قبل ازیں جمعرات 2 دسمبر کو اسلام آباد میں پی ٹی آئی کی کور کمیٹی کے اجلاس کے بعد صحافیوں سے گفتگو کرتے ہوئے وفاقی وزیر اطلاعات فواد چوہدری نے کہا تھا کہ پنجاب کا نیا لوکل گورنمنٹ ایکٹ اگلے چند روز میں منظور ہو جائے گا اور انتخابات الیکٹرانک ووٹنگ مشین کے ذریعے ہوں گے۔
Advertisement
خیال رہے کہ وزیراعلیٰ پنجاب سردار عثمان بزدار لوکل باڈیز ایکٹ میں الیکٹرانک ووٹنگ مشین پر انتخابات کی شق شامل کرنے کی منظوری دے چکے ہیں۔ جبکہ الیکشن کمیشن نے بھی پنجاب حکومت سے نیا ترمیمی بلدیاتی مسودہ طلب کرلیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
