الیکشن کمیشن کے حکم کی تعمیل کررہے ہیں، فیصل واوڈا

ویب ڈیسک

02nd Dec, 2021. 11:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن کے حکم کی تعمیل کررہے ہیں، فیصل واوڈا

سینیٹر فیصل واوڈا کا کہنا ہےکہ الیکشن کمیشن کے حکم کی تعمیل کررہے ہیں۔

پی ٹی آئی رہنما سینیٹر فیصل واوڈا نے الیکشن کمیشن کے باہر میڈیا سے گفتگو کرتے ہوئے کہاکہ مریم نواز کو جتنی تاریخیں ملتی ہیں مجھے اس سے کم ملتی ہیں۔

صحافی نے ان سے سوال کیا کہ ایسی کیا بات ہے جو آپ کو چار پانچ بار آخری مواقع ملتے ہیں؟

فیصل واوڈا نے جواب دیا کہ باقی لوگوں نے بھی جواب جمع نہیں کرایا سب کوپابند کیا گیا، الیکشن کمیشن نے جو حکم دیا ہے اس کی تعمیل کررہے ہیں۔

صحافی نے سوال کیاکہ آپ کو واقعی نہیں پتا آپ نے شہریت کب چھوڑی؟

اس پر فیصل واوڈا جواب گول کرگئے۔

واضح رہےکہ فیصل واوڈا نا اہلی کیس میں چیف الیکشن کمشنر نے ریمارکس دیے ہیں کہ ہائی کورٹ نے دو ماہ میں کیس کا فیصلہ کرنے کا حکم دیا تھا، کیس کو مزید التواکا شکار نہیں ہونے دینگے،آئندہ سماعت پر کوئی نہ آیا تو فیصلہ محفوظ کر لیں گے۔