شہید بینظیر بھٹو کی چودھویں برسی، بلاول بھٹو لاڑکانہ روانہ

ویب ڈیسک

26th Dec, 2021. 04:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہید بینظیر بھٹو کی چودھویں برسی، بلاول بھٹو لاڑکانہ روانہ

شہید محترمہ بینظیر بھٹو کی چودھویں برسی کے سلسلے میں بلاول بھٹو کراچی سے لاڑکانہ روانہ ہوگئے۔

پاکستان پیپلز پارٹی کے چئیرمین بلاول بھٹو زرداری لاڑکانہ کے موہن جو دڑو ائیرپورٹ پر لینڈنگ کے بعد نوڈیرو ہاؤس پہنچیں گے۔

ذرائع کے مطابق وزیراعلیٰ سندھ مراد علی شاہ بھی خصوصی طیارے سے بلاول بھٹو زرداری کے ہمراہ روانہ ہوئے۔

بلاول بھٹو زرداری کل 27 دسمبر کو بینظیر بھٹو کی برسی کے موقع پر گڑھی خدا بخش میں اہم خطاب کریں گے۔

اس کے ساتھ ساتھ وزیر اعلیٰ سندھ گڑھی خدا بخش بھٹو مزار کا دورہ کریں گے اور شہدا کے مزار پر حاضری کے بعد میڈیا سے گفتگو بھی کریں گے۔

یہ بھی پڑھیں: فیاض چوہان اچانک بینظیر بھٹو کی جائے شہادت پر پہنچ گئے، ٹوٹ پھوٹ پر ایکشن

واضح رہےکہ پیپلز پارٹی کی چیئرپرسن اور عالم اسلام کی پہلی خاتون وزیر اعظم محترمہ بے نظیر بھٹو شہید کی چودہویں برسی کل گڑھی خدا بخش بھٹو میں منائی جائے گی۔

برسی کے تمام انتظامات مزار کمیٹی اور پیپلز پارٹی نے مشترکہ طور پر مکمل کر لئے ہیں۔

ملک کے مختلف مقامات سے برسی میں شرکت کیلئے کارکنوں کی آمد کا سلسلہ اتوار کی شام سے شروع ہو جائیگا۔