فارمولا ون کار ریس میں فیراری کلب کے مشہور کار ڈرائیور چارلیس لیکریک بھی کورونا کا شکار ہو گئے۔
گزشتہ سال فارمولا ون کی رینکنگ میں ساتویں پوزیشن لینے والے 24 سالہ ڈرائیور کا کورونا ٹیسٹ مثبت آ گیا ہے، وہ گزشتہ ہفتے سال کی آخری ریس ابوظہبی گراں پری میں حصہ لے کر واپس پہنچے تھے۔
فیراری کلب کے ترجمان کے مطابق چارلس بہتر محسوس کر رہے ہیں اور وہ مناکو میں اپنے گھر میں آئسولیٹ ہیں۔
چارلیس لیکریک پہلے کار ریس ڈرائیور ہیں جنہیں کورونا کا ٹیسٹ سال میں دوسری مرتبہ مثبت آیا ہے۔ رواں سال جنوری میں دبئی میں بھی ٹریننگ کے دوران انہیں کورونا ہو گیا تھا۔
چارلیس لیکریک نے کہا کہ آفت پہلے بھی مجھ پر ٹوٹی تھی مجھے اندازہ ہے کہ اس آفت سے کس طرح نجات حاصل کرنی ہے۔ خطرہ ضرور ہے مگر مستقبل میں مجھے بہت زیادہ احتیاط کرنا ہو گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
