وزیراعظم کے مشیر برائے تجارت اور سرمایہ کاری عبدالرزّاق داؤد کا کہنا ہے کہ نومبر کے دوران پاکستان کی برآمدات پورے جنوبی ایشیا میں سب سے زیادہ رہیں۔

گزشتہ روز ٹوئٹر پر جاری اپنے پیغام میں انہوں نے لکھا، “مجھے بتایا گیا ہے کہ نومبر 2021 میں پاکستان کی برآمدات پورے جنوبی ایشیا میں سب سے زیادہ بڑھیں، ہماری برآمدات میں 3.5 فیصد اضافہ ہوا جبکہ بنگلہ دیش کی 31.3 فیصد اور بھارت کی برآمدات میں 26.5 فیصد اضافہ ہوا۔”

https://twitter.com/razak_dawood/status/1469215349484793857?s=20

مشیر برائے تجارت و سرمایہ کاری نے اپنی دوسری ٹویٹ میں لکھا، “یہ سب ہمارے برآمد کنندگان کی سخت محنت کی وجہ سے ممکن ہوسکا اور وہ اس کامیابی پر تعریف کے مستحق ہیں۔”

Advertisement

This has been made possible by the hard work of our exporters and they deserve praise for this accomplishment. @aliya_hamza @mincompk #Pakistan #Exports #SouthAsia #Bangladesh #India

— Abdul Razak Dawood (@razak_dawood) December 10, 2021

خیال رہے کہ پاکستان اور شمال یورپی ممالک کے درمیان دوطرفہ تجارت کے حجم میں جاری مالی سال کے پہلے 4 ماہ میں اضافہ ریکارڈ کیا گیا ہے۔

رواں مالی سال میں شمالی یورپ کے ممالک کو پاکستانی برآمدات میں 26.43 فیصد اورخطہ کے ممالک سے درآمدات میں 14.55 فیصد کا اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعدادوشمار کے مطابق جولائی سے اکتوبر 2021 تک ڈنمارک، فن لینڈ، ناروے، سویڈن اور برطانیہ کو پاکستانی برآمدات کا حجم 1.027 ارب ڈالرز ریکارڈ کیا گیا جو گزشتہ مالی سال کی اسی مدت کے مقابلہ میں 26.43 فیصد زیادہ ہے۔

گزشتہ مالی سال کی اسی مدت میں شمالی یورپ کے ممالک کو پاکستانی برآمدات کا حجم 812.78 ملین ڈالر ریکارڈ کیا گیا تھا۔