ہمیں نگرانی اور تشخیص کے مجموعی عمل کو بہتر بنانے کی اشد ضرورت ہے، اسد عمر

ویب ڈیسک

27th Dec, 2021. 06:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں نگرانی اور تشخیص کے مجموعی عمل کو بہتر بنانے کی اشد ضرورت ہے، اسد عمر

وفاقی وزیر برائے منصوبہ بندی اسد عمر نے کہا ہے کہ ہمیں نگرانی اور تشخیص کے مجموعی عمل کو بہتر بنانے کی اشد ضرورت ہے۔

اسد عمر کو سپارکو کے ذیلی ادارے نے بریفنگ دی، پی ایس ڈی پی کے تحت منصوبوں کی زمینی حقائق کے مطابق نگرانی کیلئے اقدامات سے آگاہ کیا، منصوبوں کی سیٹلائٹ پر مشتمل کیلئے ویب پورٹل کی تیاری میں پیشرفت کے بارے میں بھی آگاہ کیا۔

بریفنگ میں بتایا گیا کہ اقدامات سے ریئل ٹائم معلومات اور تصاویر کے ساتھ ڈیٹا اکٹھا کرنا ممکن ہوسکے گا، ہر چار دن بعد اس ٹیکنالوجی کے ذریعے پراجیکٹ کی سیٹلائیٹ سے پیشرفت دیکھی جاسکے گی۔

اسد عمر کا کہنا تھا کہ مانیٹرنگ اینڈ ایویلیوایشن کا کمزور نظام ہمیشہ ترقیاتی منصوبوں پر عمل درآمد میں تاخیر کا باعث بنتا ہے، تاخیر سے بڑے پیمانے پر اخراجات، لاگت میں اضافہ اور ٹیکس دہندگان کے پیسے کا ضیاع ہوتا ہے۔

وفاقی وزیر برائے منصوبہ بندی اسد عمر نے مزید کہا کہ ہمیں نگرانی اور تشخیص کے مجموعی عمل کو بہتر بنانے کی اشد ضرورت ہے۔