سعید غنی نے کہا ہے کہ کراچی میں اس وقت 200 ارب روپے کے ترقیاتی منصوبے چل رہے ہیں۔

وزیراطلاعات سندھ سعید غنی نے میڈیا سے گفتگو کرتے ہوئے کہا ہے کہ شہید بینظیر بھٹو کی برسی کی تیاریاں تیز کر دی ہیں ، گڑھی خدا بخش میں بلاول بھٹو زرداری جلسے سے اہم خطاب کرینگے۔

انہوں نے کہا کہ کراچی میں ماضی میں پولیس اہلکاروں کو شہید کیا گیا ، شہید ہونے والے اہلکاروں کے قتل میں ملوث دہشتگردوں کو گرفتار نہیں کیا گیا۔

 وزیراطلاعات سندھ نے کہا کہ پیپلز پارٹی کو دوبارہ 2008 میں حکومت ملی ، کے ڈی اے اور واٹر بورڈ سٹی گورنمنٹ سے الگ ہوکر سندھ حکومت کو ملا تو اسکی حالت بری تھی۔

 سعید غنی نے کہا کہ کے ڈی اے، واٹر بورڈ، ایس بی سی اے کی تباہی کی گئی ، ان اداروں میں دہشتگرد بھرتے تھے ، ان اداروں کو ٹھیک کرنا چیلنج تھا ، مسائل ہیں لیکن 12 سال میں کراچی کو ٹھیک کیا ہے۔

انہوں نے کہا کہ کراچی میں میں اس وقت 200 ارب روپے کے ترقیاتی منصوبے چل رہے ہیں ، کراچی کے دشمن چاہتے ہیں شہر واپسی اسی طرف جائے لیکن ہم شہر کو ٹھیک کرینگے۔

وزیراطلاعات سندھ نے کہا کہ تاریخ میں پہلی بار عوام کے اعتماد سے کلفٹن کنٹونمنٹ بورڈ سے نائب صدر کا عہدہ پیپلز پارٹی جیتنے میں کامیاب ہوگئی۔

 سعید غنی نے کہا کہ شاہ لطیف ٹاؤن میں چھوٹی بچی گولی سے ہلاک ہوئی ، اس واقع پر افسوس ہوا ، خاندان سے افسوس کرتے ہیں۔