ایشز سیریز میں ٹاپ پر آ سکتے ہیں ، انگلش کپتان جو روٹ

ویب ڈیسک

11th Dec, 2021. 06:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشز سیریز میں ٹاپ پر آ سکتے ہیں ، انگلش کپتان جو روٹ

ایشز سیریز کے پہلے ٹیسٹ میچ میں آسٹریلیا کے ہاتھوں 9 وکٹوں کی شکست کے بعد انگلش کپتان نے کہا کہ ہم سیریز میں بلندی پر جا سکتے ہیں۔

آسٹریلیا کے شہر برسبین کے گابا کرکٹ اسٹیڈیم میں آسٹریلیا کے ہاتھوں پہلے میچ میں انگلینڈ کو 9 وکٹوں سے شکست ہوئی، میچ کے بعد انگلش کپتان نے میڈیا سے باتیں کرتے ہوئے کہا کہ یہ سیریز کا پہلا میچ تھا، سیریز ابھی ختم نہیں ہوئی ، ہم اب بھی سیریز میں ٹاپ پر آ سکتے ہیں۔

سیریز کے پہلے میچ میں تیسرے دن انگلینڈ نے میچ پر اپنی گرفت بنا لی تھی مگر آخری 8 وکٹیں صرف 77 رنز پر گرنے کے بعد میچ کا پانسہ آسٹریلیا کے حق میں چلا گیا۔

واضح رہے کہ انگلینڈ برسبین کے گابا اسٹیڈیم میں گزشتہ 35 سالوں سے آسٹریلیا کے خلاف ایشز سیریز کا ایک بھی میچ جیت نہیں پایا ہے ، اب تک اس گراؤنڈ پر دونوں ٹیموں کے درمیان 11 میچز کھیلے گئے ہیں ، جن میں سے 10 میچز میں آسٹریلیا نے کامیابی حاصل کی جبکہ ایک میچ بے نتیجہ رہا۔

انگلیش کپتان جو روٹ نے کہا کہ میں اپنی ٹیم کی کارکردگی سے مطمئن ہوں اور ابھی سیریز باقی ہے ہم ٹاپ پر آ سکتے ہیں۔