نئی دلی میں کلاوتی سرن اسپتال میں کھانسی کا شربت پینے سے 3 بچے ہلاک ہوگئے۔

بھارت کے دارالحکومت نئی دلی کے کلاوتی سرن اسپتال میں کھانسی کی شکایت پر 3 بچوں کو لایا گیا جنہیں محلے کے ڈاکٹر کی جانب کھانسی کا شربت دیا گیا جس کو پینے سے تینوں بچے ہلاک ہوگئے۔

رپورٹس کے مطابق بچوں کی موت زہریلی دوائی پینے سے ہوئی جو انہیں ڈاکٹر کی جانب سے دی گئی تھی  جس کے ردعمل نے ریاستی حکومت کی جانب سے واقعے میں ملوث تین ڈاکٹرز کو معطل کرکے تحقیقات کا حکم دے دیا ہے۔

دوسری جانب بی جے پی اور کانگریس نے غفلت برتنے پر نہ صرف نئی دلی کے وزیر صحت بلکہ وزیراعلیٰ ارویند کیجری وال سے مستعفیٰ ہونے کا مطالبہ کرتے ہوئے کہا کہ 3 معصوم بچوں کی ہلاکت پر متاثرہ خاندان کو بھارتی معاوضہ دیا جائے۔

حکام کے مطابق ریاست کے زیر انتظام چلنے والے کلاوتی سرن اسپتال میں 29 جون سے 21 نومبر تک کھانسی کی مخصوص دوائی دینے سے طبیعت خراب ہونے کے 16 کیسز رپورٹ ہوئے ہیں جن میں اکثریت بچوں کے ہے لیکن گزشتہ روز اسی دوائی سے 3 بچوں کی ہلاکت ہوگئی۔

وزیر صحت نے کہا کہ ہم نے تحقیقات کے لیے کمیٹی قائم کردی ہے اور ہم نے واقعے سے متعلق ’دہلی میڈیکل کونسل ‘ کو بھی شکایت درج کروادی ہے ، واقعے میں ملوث لوگوں کو سخت سے سخت سزا دی جائے گی۔