ایئرپورٹس سیکورٹی فورس نے سال 2021 کی کارکردگی رپورٹ جاری کردی ہے۔
ترجمان اے ایس ایف کے مطابق ایئرپورٹس سیکورٹی فورس ( اے ایس ایف ) نے سال 2021 میں مختلف ایئرپورٹ پر 26 کلو گرام سے زائد سونا بیرون ملک اسمگل کرنے کی کوشش کو ناکام بنایا۔
رپورٹ میں بتایا گیا ہے کہ پکڑے گئے سونے کی مجموعی مالیت 25 کروڑ 53 لاکھ روپے سے زائد ہے ، 2021 کے دوران مختلف ایئرپورٹس پر کارروائی کرتے ہوئے منی لانڈرنگ کی کوشش کو بھی ناکام بنایا۔
ترجمان اے ایس ایف کا کہنا ہے کہ سال 2021 کے دوران 5 کروڑ 73 لاکھ روپے مالیت سے زائد کی غیر ملکی کرنسی اسمگل کرنے کی کوشش ناکام بنائی ، پکڑی گئی کرنسی میں ڈالرز، برطانوی پاؤنڈ، یورو، سعودی ریال اور دیگر کرنسیز شامل ہیں۔
جاری کردہ رپورٹ کے مطابق مختلف ایئرپورٹس پر کارروائی کے دوران 95 کلو گرام سے زائد وزن کی ہیروئن اور 54 کلو سے زائد آئس اسمگلنگ کی کوشش ناکام بنائی۔
Advertisement
ترجمان اے ایس ایف کا کہنا ہے کہ اے ایس ایف نے مختلف ایئرپورٹس ہر مختلف برانڈز کی 265 شراب کی بوتلیں بھی پکڑیں، اسمگلنگ میں ملوث درجنوں ملزمان کو گرفتار بھی کیا گیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
