دلہن کی مبینہ خودکشی کا معاملہ، لڑکی کی آڈیو ریکارڈنگ سامنے آگئی

ویب ڈیسک

21st Dec, 2021. 11:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

دلہن کی مبینہ خودکشی کا معاملہ، لڑکی کی آڈیو ریکارڈنگ سامنے آگئی
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

دلہن کی مبینہ خودکشی کا معاملہ، لڑکی کی آڈیو ریکارڈنگ سامنے آگئی

دادو میں رواں ہفتے نئی نویلی دلہن کی مبینہ خودکشی کے واقعے میں اہم انکشافات سامنے آگئے۔

قتل سے قبل شوہر سے فون پر ہونے والی گفتگو بول نیوز کو موصول ہوگئی جس کے مطابق لڑکی نے کہا کہ مجھے مارنے کی کوشش کی جا رہی ہے، گھر میں سب میرے دشمن ہو گئے ہیں۔

مقتولہ امینہ آرائیں کی آڈیو ریکارڈنگ کے مطابق مجھے گزشتہ شب بجلی کی تار میں زبردستی ہاتھ دے کر مارا جارہا تھا، میں نے ان کو ڈرایا کہ میں عدالت میں بیان دے آئی ہوں کے مجھے کچھ ہوا تو میری موت کے ذمہ دار آپ لوگ ہوں۔

واضح رہے کہ لڑکی امینہ نے دو ماہ قبل مقامی عدالت میں پسند کی شادی کی تھی، شادی کے بعد لڑکی پہلی بار گزشتہ 15 روز سے میکے میں مقیم تھی۔

19 دسمبر کو لڑکی کی اپنے والدین کے گھر کے صحن میں درخت سے لٹکی ہوئی لاش برآمد ہوئی تھی۔

آڈیو ریکارڈنگ منظر عام پر آنے کے بعد دادو پولیس بھی متحرک ہوگئی۔ پولیس ذرائع کےمطابق تفتیش کے لیے ڈی ایس پی سٹی عبدالخالق وگن کی سربراہی میں جی آئی ٹی تشکیل دے دی گئی۔

تشکیل کردہ جی آئی ٹی چار پولیس افسران پر مشتمل ہوگی جس میں ایس ایچ او، بی سیکشن مشتاق عالمانی، انسپیکٹر وومن پروٹیکشن سیل بینظیر جمالی بھی جی آئی ٹی میں شامل ہیں۔

جی آئی ٹی 7 روز میں تحقیقات مکمل کرکے رپورٹ پیش کرے گی۔