گوجرانوالہ کی مقامی صنعت کی کلسٹرنگ کرکے اسے فروغ دیا جائے گا، میاں اسلم

ویب ڈیسک

19th Dec, 2021. 01:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گوجرانوالہ کی مقامی صنعت کی کلسٹرنگ کرکے اسے فروغ دیا جائے گا، میاں اسلم

صوبائی وزیر صنعت و تجارت میاں اسلم اقبال نے کہا ہے کہ گوجرانوالہ کی مقامی صنعت کی کلسٹرنگ کر کے اسے فروغ دیا جائے گا۔

میاں اسلم اقبال نے سپر ایشیا فیکٹری گوجرانوالہ کا دورہ کیا جہاں صوبائی وزیر نے فیکٹری میں پیداواری عمل اور تیار مصنوعات کا جائزہ لیا۔

اس موقع پر پنجاب میں صنعت کاری کے عمل اور صنعت کاروں کے مسائل پر بھی بات چیت ہوئی۔

صوبائی وزیر صنعت و تجارت میاں اسلم کا کہنا تھا کہ حکومت نے جامع منصوبہ بندی کے تحت صنعتی ترقی کا عمل تیز کیا ہے، صوبے میں سرمایہ کار دوست ماحول کے باعث نئے صنعتی یونٹس لگ رہے ہیں۔

ان کا کہنا تھا کہ خصوصی اقتصادی زونز معاشی و صنعتی ترقی کے انجن ہیں، گوجرانوالہ ڈویژن کی صنعتی و معاشی ترقی کے لئے دور رس اقدامات کئے جارہے ہیں۔

انہوں نے کہا کہ گوجرانوالہ میں عالمی معیار کا ایکسپو سینٹر بنائیں گے، گوجرانوالہ کی مقامی صنعت کی کلسٹرنگ کر کے اسے فروغ دیا جائے گا۔

صوبائی وزیر صنعت و تجارت میاں اسلم کا مزید کہنا تھا کہ مقامی صنعت کو درپیش مسائل کے حل کیلئے ترجیحی بنیادوں پر اقدامات کئے جارہے ہیں، انڈسٹری سیکٹر میں کی گئی اصلاحات بارآور ثابت ہورہی ہیں۔