تحریک انصاف کراچی کے صدر اور رکن صوبائی خرم شیر زمان نے کہا ہے کہ آئین پاکستان کے مطابق ایک ایم این اے وزیر اعظم بننے کا اہل ہے۔

خرم شیر زمان نے اپنے ایک بیان میں کہا کہ ایک سینیٹر بھی وزیر اعظم نہیں بن سکتا، ایم این اے اس لیے اہل ہیں کیونکہ وہ براہ راست عوام کے ووٹ سے منتخب ہوتے ہیں، آئین پاکستان کے مطابق ایک ایم این اے وزیر اعظم بننے کا اہل ہے۔

انہوں نے کہا کہ بغیر بلدیاتی الیکشن لڑے کوئی سندھ میں مئیر منتخب کیسے ہوسکتا ہے؟ یہ پاکستان کے آئین سے براہ راست تصادم ہے۔

تحریک انصاف کراچی کے صدر اور رکن صوبائی خرم شیر زمان کا مزید کہا کہ میرے خیال سے عدالتوں کیلئے یہ اوپن اینڈ شٹ کیس ہے، اعلیٰ عدلیہ سے درخواست ہے سندھ حکومت کے بلدیاتی بل کو کلعدم قرار دیا جائے۔

دوسری جانب تحریک انصاف کراچی کے صدر اور رکن صوبائی خرم شیر زمان نے اپنے ایک بیان میں کہا تھا کہ بلاول تیار ہوجائیں ہم پورے سندھ میں مہم چلائیں گے۔

ان کا کہنا تھا کہ عجلت میں جمہوریت کا قتل کیا گیا ہے، پاکستان کی ہر جماعت بلدیاتی ترمیمی بل کے خلاف ہے۔

انہوں نے کہا تھا کہ سیکریٹ بیلٹ کے ذریعے نااہل میئر کو لانا  چاہتے ہیں، 70 سے 75 کروڑ روپے لگا کر پیپلز پارٹی میئر لائے گی اور توقع کر رہے تھے بلاول بھٹو زرداری خوف سے باہر نکل کر شیر کے طرح مقابلہ کریں گے۔

خرم شیر زمان نے کہا کہ یہ گیدڑ ہیں اور گیدڑ چھپ کر مقابلہ کرتے ہیں، مقامی حکومت سے صحت اور تعلیم کا نظام بھی لے لیا گیا ہے۔

انہوں نے کہا کہ میئر کو دودھ کی قیمتیں طے کرنے کا بھی حق نہیں دے رہے، دو نمبر نظام آرہا ہےان میں زرا سی عقل ہوتی تو اسلام آباد یا کے پی کے کا قانون ہی دیکھ لیتے۔

خرم شیر زمان نے کہا کہ یہ گھبراہٹ کا  شکار ہوگئے ہیں اب کہتے ہیں سیاسی جماعتوں سے مشاورت کرکے ترمیم لائیں گے۔

انہوں نے کہا کہ بل میں یہ بھی نہیں درج کہ مدت مکمل ہونے پر الیکشن کب ہوں گے، بل کی سخت الفاظ میں مذمت کرتے ہیں۔

خرم شیر زمان نے کہا کہ پنجاب ، کے پی آگے بڑے رہا ہے اور  میرے صوبے کی سسکیاں بڑھتی جارہی ہیں ، اگر بل واپس نہ لیا گیا تو پورے سندھ کو سڑکوں پر لائیں گے۔

انہوں نے مزید کہا کہ ہمیں عدلیہ پر پورا یقین ہے ہم نے عدلیہ کا دروازہ کھٹکھٹایا ہے، ہمیں یقین ہے ہمیں انصاف ملے گا۔