کون جانتا تھا کہ اپنے ہاتھوں لگایا گیا کیمرا اپنی ہی بے وفائی کی داستان زمانے کو دکھانے کا باعث بن جائے گا۔

ایسا ہی کچھ ہوا ایک بد نصیب شوہر کے ساتھ، جو اپنی محبوبہ کے خمار میں ایسا گم ہوا کہ اپنی کار گزاری ڈور بیل کے کیمرے میں ریکارڈ کروا بیٹھا۔

رپورٹ کے مطابق ایک خاتون نے دعویٰ کیا کہ اس نے اپنے شوہر کو ڈور بیل پر لگے کیمرے کی بدولت انہیں دھوکہ دیتے ہوئے رنگے ہاتھوں اس وقت پکڑا، جب مبینہ محبوبہ اور ان کے شوہر گھر کے دروازے پر بوسہ کناریوں میں مشغول ہوئے اور بھلا بیٹھے کہ وہاں ایک عدد کیمرا بھی نصب ہے جو ان کی کار گزاریوں کو عکس بند کرچکا ہے۔

امریکہ میں مقیم اس گمنام بیوی نے اکتوبر میں ایک TikTok ویڈیو شیئر کی، جو خوب وائرل بھی ہوئی، ویڈیو میں ایک آدمی کو گھر سے نکلتے ہوئے دیکھا گیا، جس کے بعد تھوڑی ہی دیر میں ایک مختصر لباس زیب تن کئے ایک خاتون بھی باہر آئیں۔

ویڈیو میں دونوں کو گھر کی دالان میں ایک دوسرے کو بوسہ کرتے دیکھا گیا، بظاہر اس بات سے بے خبر کہ ڈور بیل کیمرا ان کے محبت بھرے گرم لمحات کو اپنی آنکھ میں میں محفوظ کرہا ہے۔

مذکورہ دل شکستہ بیوی نے بتایا کہ کیمرا اس کے  شوہر نے ہی انسٹال کیا تھا، خاتون نے ویڈیو کلپ کو ‘#cheater# garbage’ کا کیپشن دیا۔ ساتھ ہی لکھا ، ‘جب آپ کا شوہر اتنا بیمار ہو کہ آپ کی فیملی ٹرپ پر جانے سے انکار کردے۔’

ویڈیو لاکھوں تبصرے موصول ہوئے ہیں، بہت سے لوگ اس شخص کے مبینہ رویے سے حیران ہیں۔

ایک شخص نے لکھا، ‘معاف کیجئے کہ آپ اس سے گزر رہے ہیں، لیکن کم از کم آپ کے پاس ثبوت ہے۔’

ایک اور صارف نے کہا،  ‘طلاق بیبی، طلاق۔’

ایک اور صارف کا کہنا تھا کہ مجھے نہیں معلوم لوگ دھوکہ کیوں دیتے ہیں، آپ سب کچھ کھو دیتے ہیں، یہ اس کی قیمت نہیں۔

اپنی صورتحال کے بارے میں اپ ڈیٹ فراہم کرتے ہوئے، متاثرہ بیوی نے اپنے TikTok فالوورز کو بتایا کہ اس کا شوہر ‘اب یہاں نہیں رہتا’۔