عابد علی صحتیابی کے بعد اسپتال سے ڈسچارج

ویب ڈیسک

25th Dec, 2021. 12:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عابد علی صحتیابی کے بعد اسپتال سے ڈسچارج

کراچی: قومی ٹیسٹ کرکٹر عابد علی کو طبیعت میں بہتری کے بعد اسپتال سے ڈسچارج کردیا گیا ہے۔

قومی ٹیسٹ ٹیم کے بیٹر عابد علی کی طبیعت بہتر ہوگئی ہے جس کے بعد انہیں اسپتال سے ڈسچارج کردیا گیا ہے جبکہ اس موقع پر ان کے والد کا کہنا ہے کہ وہ دو ہفتوں تک کراچی میں ری ہیپ کریں گے۔

یہ بھی پڑھیں: عابد علی کے دل کی شریان میں دوسرا اسٹنٹ بھی ڈال دیا گیا

واضح ہے کہ عابد علی کو کراچی میں جاری قائد اعظم ٹرافی کے میچ کے دوران بیٹنگ کرتے ہوئے سینے میں تکلیف کے باعث مقامی اسپتال منتقل کیا گیا تھا۔

عابد علی کو اسپتال منتقل کرنے کے بعد ان کے مختلف ٹیسٹ کیے گئے جس کی بنیاد پر ڈاکٹرز نے ان کے دل کے عارضے میں مبتلا ہونے کی تشخیص کی اور پھر ان کی دل کی شریانوں میں دو اسٹنٹ ڈال دیے گئے۔

یہ بھی پڑھیں: عابد علی کا کریئر بچانے کیلئے پی سی بی کی کوششیں جاری

دوسری جانب عابد علی کی جلد صحتیابی کے لیے پی سی بی نے عالمی کارڈیولوجسٹ سے رابطہ کیا ہے جبکہ اسپتال ذرائع کے مطابق ڈاکٹرز نے انہیں دو ماہ کے لیے مکمل آرام کی ہدایت کی ہے اور دو ماہ بعد عابد علی معمول کی کرکٹ کھیل سکے گیں۔

خیال رہے کہ دل کے عارضے میں مبتلا ہونے کے بعد عابد علی کا ویڈیو بیان سامنے آیا تھا جس میں انہوں نے اللہ کا شکریہ ادا کرتے ہوئے ان کے لیے خصوصی دعائیں کرنے اور نیک خواہشات کا اظہار کرنے والوں کا بھی شکریہ ادا کیا تھا۔