انٹر پول کی جنگلی حیات کے غیر قانونی کاروبار میں ملوث افراد کے خلاف کاروائی

ویب ڈیسک

03rd Dec, 2021. 05:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

انٹر پول کی جنگلی حیات کے غیر قانونی کاروبار میں ملوث افراد کے خلاف کاروائی
بھارت پینترے بازی سے باز نہ آیا ، افغانستان کو دریا پر ڈیم کی تعمیر کا نیا جھانسہ
جنسی اسکینڈل پر کارروائی ، برطانوی شہرادہ اینڈریو شاہی لقب سے محروم ، محل چھوڑنے کا حکم
فلسطینی قیدیوں سے غیر انسانی سلوک ، انتہا پسند اسرائیلی وزیر نے ویڈیو پوسٹ کردی

Now Reading:

انٹر پول کی جنگلی حیات کے غیر قانونی کاروبار میں ملوث افراد کے خلاف کاروائی

بین الاقوامی تنظیم انٹرپول نے جنگلی حیات کا غیر قانونی کاروبار کرنے والے نیٹ ورکس کے خلاف دنیا بھر میں کارروائی کی ہے۔

انٹرپول نے جنگلی حیات کے غیرقانونی لین دین کے خلاف تھنڈر 2021 کے خفیہ نام سے موسوم کارروائی میں دنیا کے 118 ممالک کے متعلقہ حکام کا اکتوبر کے پورے مہینے کے دوران تعاون حاصل کیا۔

انٹرپول کے مطابق ایک ہزار سے زائد اشیاء تحویل میں لی گئی ہیں اور 300 کے قریب مشتبہ افراد کو گرفتار کیا گیا ہے۔

اسپین میں ایسی ہی ایک کارروائی میں کچھوے، ہاتھی دانت کی بنی اشیا اور دوسری مصنوعات قبضے میں لی گئی ہیں۔ ان اشیا کی مالیت تقریباً 2 لاکھ 80 ہزار ڈالر ہے۔

ہالینڈ کے ایک بین الاقوامی ہوائی اڈے پر حکام نے سینکڑوں زندہ پرندے تحویل میں لیے۔ حکام کے خیال میں انہیں افریقہ سے لایا گیا تھا۔

انٹرپول کے سینئر عہدیدار روری کوکوران نے نشاندہی کی ہے کہ لین دین میں مواصلات کے لیے خفیہ زبان استعمال کی گئی ہے اور کرپٹو کرنسیوں کا استعمال بڑھ گیا ہے۔ انہوں نے کہا کہ اس کے باعث لین دین کا پتہ چلانا مشکل ہو گیا ہے۔ انہوں نے یہ بھی کہا کہ رکن ملکوں کے تعاون سے انٹرپول مجرمان کے خلاف کسی رعایت کے بغیر کارروائیاں جاری رکھے گی۔