وزیر اعظم عمران خان کی زیر صدارت وفاقی کابینہ کا اجلاس جاری ہے۔

کابینہ اجلاس میں سیاسی، معاشی اور کورونا وائرس کی صورتحال پر غور ہوگا۔

وفاقی وزیراطلاعات فوادچوہدری کا کہناہےکہ کابینہ کی منظوری کے بعد منی بجٹ بدھ کو ایوان میں منظوری کے لیے پیش کیاجائےگا۔

ذرائع کے مطابق وفاقی کابینہ میں پہلی قومی سلامتی پالیسی منظوری کے لیے پیش کی جائے گی۔

گزشتہ روز قومی سلامتی کمیٹی نے پالیسی کی منظوری دی تھی۔

کابینہ کو ای وی ایم اور آئی ووٹنگ کی پیش رفت پر بریفنگ دی جائے گی۔

کابینہ کے ایجنڈے کے مطابق اجلاس میں ہاؤس بلڈنگ فنانس کمپنی کے بورڈ آف ڈائریکٹرز کی تعیناتی کی منظوری دی جائے گی۔

ایس ای سی پی کے چئیرمین اور ممبر کے استعفیٰ اور نئے ممبر کی تعیناتی کی منظوری دی جائے گی، ایجنڈا

 مانیٹری اینڈ فیسیکل پالیسیز کوآرڈینیشن بورڈ میں نامور اکنامسٹ کی نامزدگی اور انٹر بورڈ کوآرڈینیشن کمیشن ایکٹ کی اصولی کی منظوری کابینہ ایجنڈا میں شامل ہے۔

ساجد مجید چوہدری کے کیس میں انکوائری کمیشن بنانے کی کابینہ منظوری دے گی۔

 کابینہ اجلاس میں پیمرا کے فل ایگزیکٹو ممبر کی تعیناتی اورانسداد دہشت گردی ایکٹ کے تحت مشترکہ انویسٹی گیشن ٹیم بنانے کی منظوری کابینہ ایجنڈا میں شامل ہے۔

گندھارا ہیریٹیجک کلچر سینٹر اور سیٹیزن کلب کے اشتراک سے سی ڈی اے کے پراجیکٹ کے پلان کی منظوری دی جائے گی۔

پاکستان سے دو ملزمان کی اٹلی حوالگی کا معاملہ کابینہ میں پیش ہوگا۔

بنکنگ کورٹ 1 ملتان کی ڈیرہ اسمعیل خان منتقلی کابینہ ایجنڈا میں شامل ہے۔

میری ٹائم افئیر کے گوادر میں پلانٹ کےعملدرآمد کی ایک پوسٹ آفیشو اورنیشنل میڈیکل اتھارٹی کے ایگزیکٹو ممبر کی تعیناتی کی منظوری دی جائے گی۔

ادویات کی تیاری میں تبدیلی کی سفارشات کی منظوری ایجنڈا میں شامل ہے۔

کیوبا کو کورونا سے نمٹنے کےلئے پاکستان کے تعاون کی منظوری بھی ایجنڈا میں شامل ہے۔

پاکستان پلاننگ اینڈ مینجمنٹ انسٹیٹیوٹ بل منظوری کےلئے کابینہ میں پیش ہوگا۔

کابینہ کمیٹی برائے ادارہ جاتی اصلاحات کے یکم دسمبر کے فیصلوں کی توثیق بھی ایجنڈے میں شامل ہے۔

کابینہ کمیٹی برائے قانون سازی کیسز کے 16 اور 17 دسمبر کے فیصلوں کی توثیق کی جائے گی۔