انگلش پریمئیر لیگ، آسٹن ولا اور برنلے کے مابین میچ اومیکرون کے باعث ملتوی

ویب ڈیسک

18th Dec, 2021. 10:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگلش پریمئیر لیگ، آسٹن ولا اور برنلے کے مابین میچ اومیکرون کے باعث ملتوی

انگلش پریمئیر لیگ میں آج آسٹن ولا اور برنلے کے درمیان ہونے والا میچ اومیکرون کے باعث ملتوی کر دیا گیا۔

یہ رواں ہفتے کا چھٹا میچ ہے جو اومیکرون کے باعث ملتوی کیا گیا ہے۔

آسٹن ولا فٹ بال کلب کے ترجمان کے مطابق آج صبح بھی کورونا کے پی سی آر کے ٹیسٹ مثبت آئے ہیں۔

لیگ انتظامیہ نے میچ شروع ہونے سے صرف دو گھنٹے قبل میچ کی منسوخی کا اعلان کیا، یہ میچ ولا پارک فٹ بال اسٹیڈیم میں کھیلا جانا تھا۔

اس میچ کی میزبان آسٹن ولا فٹ بال کلب نے برنلے فٹ بال کلب اور فینز سے میچ کی منسوخی پر معذرت کی ہے۔

اپنے ایک بیان میں آسٹن ولا کے ترجمان نے کہا کہ کلب انتظامیہ میچ کی منسوخی پر انتہائی معذرت خواہ ہے اور برنلے فٹ بال کلب اور ان کے سپورٹرز کی مایوسی پر ہمیں بے حد دکھ ہے، یہ ہمارے سپورٹرز کے لئے بھی دکھ کا باعث ہے۔

میچ کی منسوخی کے بعد انگلش پریمئیر لیگ کا آج کے شیڈولڈ میچوں میں صرف لیڈز اور آرسنل کا ہی میچ ہے جو کھیلا جانا ہے۔

مجموعی طور پر اس سیزن میں انگلش پریمئیر لیگ کے 10 میچز ملتوی ہو چکے ہیں۔