کراچی کے علاقے اورنگی ٹاؤن سیکٹر 5 کے لوموں کے کارخانے میں آتشزدگی کا واقعہ پیش آیا ہے۔

فائر بریگیڈ حکام کا کہنا ہے کہ فائر بریگیڈ کی 3 گاڑیاں آگ بجھانے میں مصروف ہیں۔

واضح رہے کہ فائر بریگیڈ کی تین گاڑیوں نے موقع پہنچ کر آگ پر قابو پالیا ہے۔

خیال رہے کہ آگ ممکنہ طور پر شارٹ سرکٹ کے باعث لگی تھی۔ آگ لگنے کے سبب کسی قسم کا جانی نقصان نہیں ہوا۔

آتشزدگی کے باعث لاکھوں روپیے کا کپرا اور مشینیں جل کر ناکارہ ہوگئی ہیں۔

گزشتہ روز کراچی کے علاقے صدر میں پارکنگ پلازہ کے قریب پیٹرول پمپ پر کھڑے ٹینکر میں آگ لگ گئی تھی جس پر بروقت قابو پالیا گیا تھا، آگ بجھانے میں 11 گاڑیوں نے حصہ لیا جبکہ اسنارکل بھی موجود تھی۔

حکام کا کہنا تھا کہ ہمیں جیسے ہی اطلاع ملی ہم آگ بجھانے پہنچے، آگ بھڑکتی ہوئی ہمارے فائرٹینڈرز کو لپیٹ میں لے رہی تھی، بمشکل ہم نے آگ پر مکمل قابو پالیا ہے۔

 پیٹرول پمپ کے مالک انعام نے اس حوالے سے کہا کہ 14 ہزار لیٹر ٹینکر میں تیل موجود ہے، صبح کے وقت ٹینکر کو پمپ پر فلنگ کے لئے بلایا گیا تھا، آف لوڈنگ کے دوران اچانک ٹینکر میں آگ بھڑک اٹھی تھی۔

انکا کہنا تھا کہ فائربریگیڈ کو اطلاع دی جو موقع پر پہنچ گئی، جو ہمارے پاس آگ بجھانے کے آلات مقجود تھے اس کے آگ بجھانے کی کوشش کی، آگ بھڑک رہی تھی فائر بریگیڈ نے کنٹرول کیا۔

انعام نے مزید کہا کہ ہماری انٹرنل وائرنگ پمپ ڈیسپنرسر اور پمپ کے احاطے کا کچھ حصہ متاثر ہوا ہے۔