سندھ کے عوام کو غلام بنانے کی کوشش کی جارہی ہے، حلیم عادل شیخ

ویب ڈیسک

07th Dec, 2021. 02:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ کے عوام کو غلام بنانے کی کوشش کی جارہی ہے، حلیم عادل شیخ

اپوزیشن لیڈر سندھ اسمبلی حلیم عادل شیخ نے کہا ہے کہ سندھ کے عوام کو غلام بنانے کی کوشش کی جارہی ہے۔

حلیم عادل شیخ نے اپنے جاری کردہ ایک بیان میں کہا کہ پیپلز پارٹی سندھ میں بلدیاتی نظام کے ذریعے زردارانہ، سردارانہ نظام لاگو کرنا چاہتی ہے، سندھ کی عوام کو غلام بنانے کی کوشش کی جا رہی ہے۔

ان کا کہنا تھا کہ تمام اختیارات سندھ حکومت اپنے پاس لے رہی ہے، ایک وزیر اور سیکریٹری ہوگا، ناظم ،چیئرمین سب ان کے ہوں گے، اس آمرانہ نظام کے خلاف تحریک شروع کردی گئی ہے، پورے سندھ میں احتجاج شروع ہوچکے ہیں۔

انہوں نے کہا کہ آج ٹھٹھہ، جامشورو حیدر آباد میں مظاہرہ ہوگا، کراچی میں آل پارٹیز اسٹیک ہولڈرز کانفرنس کر رہے ہیں، کورٹوں اور روڈوں پر بھی جائیں گے، چند خاندان سندھ کی عوام کو غلام بنانا چاہتے ہیں۔

اپوزیشن لیڈر سندھ اسمبلی حلیم عادل شیخ کا مزید کہنا تھا کہ سندھ کی عوام کے ساتھ مل کر اس نظام کے خلاف جدوجہد کریں گے۔