فوادچوہدری کا کہنا ہےکہ شہبازشریف جعلی پولیس مقابلوں کی پشت پناہی کررہےتھے۔

 وفاقی وزیر اطلاعات ونشریات فواد چوہدری نے لاہور پریس کلب میں کرائم رپورٹر کی کتاب کی رونمائی کی تقریب سے خطا ب کر تے ہوئے کہاکہ شہباز شریف کے 97 کے دور میں 7 ہزار سے زائد لوگوں کو جعلی پولیس مقابلوں میں مروایا گیا ،1990 کےبعد پولیس سسٹم تباہ کیا گیا۔

انہوں نے کہاکہ 1990 سےاب تک ساڑھے 5 ہزارلوگوں کا ماورائےعدالت قتل ہوا، شہبازشریف دورمیں جعلی پولیس مقابلوں کوعروج ملا، 2 تہائی سےزیادہ ماورائےعدالت قتل شہبازشریف دورمیں ہوئے۔

فواد چوہدری نے کہاکہ شہبازشریف نےرانامقبول کوبندےمارنےکاٹاسک دیا، رانامقبول نےتعیناتی کےدوران کئی افراد کومبینہ مقابلوں میں مارا، رانامقبول کون لیگ نےاب سینیٹر بنا دیا ہے ، شہبازشریف نےپولیس کومقابلوں کافری ہینڈدیا۔

وفاقی وزیر اطلاعات و نشریات نے کہا کہ ماضی میں پولیس پرائیویٹ لوگوں سے پیسے لے کر بندے مارتی رہی، شہباز شریف جعلی پولیس مقابلوں کی پشت پناہی کررہےتھے، ہمارے کریمنل سسٹم میں ایس ایچ او کو پیسے دے کر مخالفین کو قتل کروایا گیا، یہ بھی شہباز شریف کے دور حکومت میں ہوتا رہا، پرویزمشرف کی حکومت آتے ہی جعلی پولیس مقابلوں کا سلسلہ رک گیا۔

ان کا مزید کہنا تھا کہ جو قوانین اور آئین کا احترام کرے گا ان سے بات ہو گی اور اگر ٹی ٹی پی لڑنا چاہتی ہے تو لڑ بھی لیں گے پہلے بھی لڑے تھے۔