دنیا اور خطہ غیر مستحکم افغانستان برداشت نہیں کر سکتا، آرمی چیف

ویب ڈیسک

20th Dec, 2021. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا اور خطہ غیر مستحکم افغانستان برداشت نہیں کر سکتا، آرمی چیف

آرمی چیف جنرل قمر جاوید باجوہ نے کہا ہے کہ دنیا اور خطہ غیر مستحکم افغانستان برداشت نہیں کر سکتا۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے امریکی خصوصی نمائندے برائے افغانستان مسٹر تھامس ویسٹ کی ملاقات ہوئی۔

آئی ایس پی آر کے مطابق ملاقات میں افغانستان کی حالیہ سیکیورٹی صورتحال، اسی حوالے سے دو طرفہ تعاون سے متعلق امور پر بات چیت کی گئی۔

آئی ایس پی آر کا کہنا ہے کہ ملاقات میں آرمی چیف نے او آئی سی وزرائے خارجہ کے 17ویں غیر معمولی اجلاس میں شرکت پر امریکی نمائندہ خصوصی کا شکریہ ادا کیا جبکہ امریکی نمائندہ خصوصی نے افغان صورتحال میں پاکستان کے کردار کو سراہا۔

آئی ایس پی آر کا مزید کہنا ہے کہ ملاقات میں تھامس ویسٹ نے موثر پاک افغان بارڈر مینجمنٹ کی خصوصی کوششوں پر پاکستان کی تعریف کی جبکہ امریکی نمائندے نے او آئی سی وزرائے خارجہ کے غیر معمولی اجلاس کے انعقاد کی کوششوں پر بھی پاکستان کو سراہا۔

اس موقع پر آرمی چیف جنرل قمر جاوید باجوہ نےکہا کہ دنیا اور خطہ غیر مستحکم افغانستان برداشت نہیں کر سکتا، افغانستان میں بڑھتے ہوئے انسانی بحران کو ٹالنے کے لیے عالمی ہم آہنگی و کوششیں انتہائی ضروری ہیں۔