سونامی کچھ دیر کے لیے آتی ہے اس کا وقت پورا ہوچکا ہے، خواجہ سعد رفیق

ویب ڈیسک

22nd Dec, 2021. 11:54 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سونامی کچھ دیر کے لیے آتی ہے اس کا وقت پورا ہوچکا ہے، خواجہ سعد رفیق

خواجہ سعد رفیق نے کہا ہے کہ سونامی کچھ دیر کے لیے آتی ہے اس کا وقت پورا ہوچکا ہے۔

مسلم لیگ ن کے رہنما خواجہ سعد رفیق نے احتساب عدالت لاہور کے باہر میڈیا سے گفتگو کرتے ہوئے کہا کہ خیبر پختوانخواہ میں ووٹ کی طاقت سے پی ٹی آئی کی سیاسی تقسیم شروع ہو گئی ہے۔

خواجہ سعد رفیق نے کہا کہ ہم نے پنجاب کے تمام ضمنی الیکشن جیتے ہیں۔ خیبر پختوانخواہ میں ان کا دھڑن تختہ ہو گیا۔ پنجاب میں لوگ کام کو ووٹ دیں گے۔ حکومت پنجاب میں بلدیاتی الیکشن نہیں کرائے گی۔

پیراگون ہاؤسنگ اسکینڈل کیس کی سماعت

احتساب عدالت لاہور میں پراگون ہاؤسنگ اسکینڈل کی سماعت ہوئی جس میں خواجہ سعد رفیق اور سلمان رفیق عدالت میں پیش ہوئے۔ پیراگون ہاؤسنگ کی متاثرہ خاتون اور نیب کی گواہ شگفتہ کے بیان پر خواجہ سلمان کے وکیل نے جرح کی۔

گواہ شگفتہ نے عدالت کو بتایا کہ مجھے پلاٹ ملا لیکن وہ نہیں ملا جو بتایا گیا تھا جس پر احتساب عدالت نے مزید گواہوں کے بیان کے لیے سماعت12 جنوری تک ملتوی کرتے ہوئے پیش نہ ہونے والے چارگواہان کے قابل ضمانت وارنٹ گرفتاری جاری کردیے۔

گواہان میں انورحسین، محمد اعجاز، منورحسین، وقاص مقصود شامل ہیں۔ عدالت نے چاروں گواہان کو بیان قلمبند کروانے کے لیے طلب کر رکھا تھا۔