وزیر بلدیات سندھ ناصرحسین شاہ نے کہا ہے کہ وفاقی حکومت کی نااہلی کی وجہ سے مہنگائی بیروزگاری بڑھ گئی ہے۔

انہوں نے میڈیا سے گفتگو کرتے ہوئے کہا کہ ہماری مائیں بہنیں مشکلات کا شکار ہیں، پورا ملک ان کی نا اہلیوں کو بھگت رہا ہے۔

ناصرحسین شاہ نے کہا کہ جن لوگوں کی سیاست ختم ہوگئی تھی وہ بلدیاتی نظام پر غلط باتیں کررہے ہیں، اور غلط باتوں کا جب ہم جواب دیتے ہیں پھراس پر بھی پوائنٹ اسکورنگ کی جاتی ہے۔

انہوں نے کہا کہ اردو بولنے والے ہمارے بھائی ہیں، مہاجر کہہ کر لسانیت کو پھیلایا جارہا ہے، ہجرت کرکے آنے والے ہمارے لئے قابل احترام ہیں۔

انکا کہنا ہے کہ وزیر ہم ایم کیو ایم والوں کے خلاف بات کرتے ہیں وہ اردو بولنے والوں سے منصوب کرتے ہیں، سب کو یہاں یکساں حقوق ہیں۔

صوبائی وزیر کا کہنا ہے کہ مشرف دور میں بلدیاتی قوانین کو 2009 تک تبدیل نہیں کرسکتے تھے، یہ صرف اپنی سیاست کو زندہ رکھنے کے لیے یہ باتیں کررہے ہیں۔

ناصرحسین شاہ نے کہا کہ ہم نے تو یوسیز کو پاور دی ہیں، ایم کیو ایم ، جماعت اسلامی سب نے ٹاؤن کی بات کی تھی اور ہم نے ٹاؤنز بنا دیئے ہیں ۔

انہوں نے مزید کہا کہ یہ اختیارات اسپیشل لاء کے ذریعے دیئے گئے ہیں، شبر زیدی کہہ چکے ہیں ملک دیوالیہ ہوگیا ہے اور ان کے پنجاب کے گورنر کہتے ہیں کہ انہوں نے اثاثے گروہ رکھ دیئے ہیں۔