الیکشن کمیشن کا اسلام آباد کے بلدیاتی انتخابات میں ای وی ایم کے استعمال کا فیصلہ

ویب ڈیسک

09th Dec, 2021. 08:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن کا اسلام آباد کے بلدیاتی انتخابات میں ای وی ایم کے استعمال کا فیصلہ

الیکشن کمیشن کا اسلام آباد بلدیاتی انتخابات میں الیکٹرانک ووٹنگ مشین (ای وی ایم) کے استعمال کا فیصلہ کیا ہے۔

الیکشن کمیشن نے اسلام آباد بلدیاتی انتخابات میں ای وی ایم کے استعمال کا فیصلہ کرتے ہوئے وزارت سائنس اینڈ ٹیکنالوجی کو خط لکھ کر 3900 الیکٹرانک ووٹنگ مشینیں مانگ لیں۔

ذرائع الیکشن کمیشن کے مطابق اسلام آباد بلدیاتی انتخابات میں صرف مئیر کی نشست کے انتخاب میں ای وی ایم استعمال کرنے کا فیصلہ کیا گیا ہے، اسلام آباد مئیر کی نشست پر 3900 الیکٹرانک ووٹنگ مشینیں استعمال ہونگی۔

اسلام آباد کے مئیر کےانتخاب کےلئے الیکشن کمیشن 800 پولنگ اسٹیشنز کے تمام پولنگ بوتھ پر الگ الگ ای وی ایم استعمال کرے گا، تمام پولنگ بوتھز کے لئے 3100 مشینیں درکار جب کہ 800 مشینز بیک اپ کے لئے رکھی جائیں گی۔

الیکشن کمیشن نے وزارت سائنس ٹیکنالوجی سے الیکٹرانک ووٹنگ مشینز کے علاوہ پراجیکٹ مینجمنٹ،سپورٹ سروسز، مشینوں کی پروڈکشن، مشینز کی ٹیسٹنگ،کوالٹی کنٹرول، سیکیورٹی میکنزم سرٹیفکیشن، پولنگ اسٹاف کی تربیت سمیت تکنیکی سپورٹ بھی مانگ لی۔

واضح رہے اسلام آباد میں بلدیاتی انتخابات آئندہ سال ہوں گے۔