جنوبی کورونا میں عالمی وباء کورونا کے باعث ریکارڈ 5352 نئے کیسز ظاہر ہوئے ہیں، جبکہ اومیکرون کے بھی 9 کیسز مثبت آنے کی اطلاع ہے۔

تفصیلات کے مطابق جنوبی کوریا میں بیماریوں کے کنٹرول اور روک تھام کی ایجنسی کے ڈی سی اے   کے ترجمان کا کہنا ہے کہ کووڈ سے بچاؤ کی مہم اور پابندیوں کے بعد پہلا موقع ہے کہ اتنی بڑی تعداد میں کیسز درج ہوئے ہیں، جبکہ اومیکرون کے 9 کیسز کی رپورٹ نے ہلا کر رکھ دیا ہے۔

ترجمان کا کہنا تھا کہ گزشتہ 14 دن کے دوران کورونا کیسز میں ریکارڈ اضافہ ہوا ہے اور 55596 کیسز رپورٹ ہوئے ہیں جو بڑی تشویشناک بات ہے۔

جنوبی کوریا کی حکومت سے جمعے سے ملک بھر میں کورونا کے حوالے سے نئی ایڈوائزری جاری کر دی تھی ، جس کے مطابق ریستوران ، سینما گھروں اور دیگر تفریح مقامات پر جانے والے افراد کو ویکسینیش سرٹیفیکیٹ لازمی دکھان ہو گا۔ جبکہ سیول میں نجی تقریبات کو بھی صرف چھ افراد تک محدود کر دیا گیا ہے۔

KDCA کے ترجمان کے مطابق کووڈ کے کیسز میں اضافے کی وجہ سے اسپتالوں میں مریضوں کے داخل ہونے کی شرح میں اضافہ ہو رہا ہے، اور اسپتالوں پر دباؤ بڑھ رہا ہے، اور اس وقت 752 کورونا مریض انتہائی نگہداشت یونٹ میں داخل ہیں۔

ترجمان کے مطابق نائجیریا سے آنے والے تین مسافروں میں اومیکرون وائرس کی تصدیق ہو گئی ہے جس کے بعد اومیکرون سے متاثرہ افراد کی تعداد نو ہو گئی ہے۔۔