ایشز سیریز، جیمز اینڈرسن اور اسٹورٹ براڈ کی دوسرے ٹیسٹ میں واپسی

ویب ڈیسک

15th Dec, 2021. 06:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشز سیریز، جیمز اینڈرسن اور اسٹورٹ براڈ کی دوسرے ٹیسٹ میں واپسی

آسٹریلیا کے خلاف ایشز سیریز کے دوسرے ٹیسٹ میں انگلینڈ کی ٹیم میں جیمز اینڈرسن اور اور اسٹورٹ براڈ کی واپسی ہو گئی ہے۔

ٹیم مینجمنٹ نے دونوں پیسرز کو 12 رکنی پلیئنگ الیون میں شامل کر لیا ہے، دوسرا ٹیسٹ میچ کل سے شروع ہو گا۔

انگلینڈ کے لئے سب سے زیادہ وکٹیں حاصل کرنے والے جیمز اینڈرسن اور اسٹورٹ براڈ کو پہلے میچ سے ڈراپ کیا گیا تھا۔ اس میچ میں انگلینڈ کو آسٹریلیا نے 9 وکٹوں سے شکست دی تھی۔

انگلینڈ کی جانب سے پہلے ٹیسٹ میچ میں شکست کے بعد ٹیم میں تبدیلیوں کا امکان ہے، فاسٹ باؤلر مارک ووڈ کو دوسرے میچ میں آرام دیا گیا ہے۔

ایشز سیریز کا دوسرا ٹیسٹ میچ ایڈیلیڈ میں ہو گا، میچ ڈے نائٹ ہو گا اور پنک بال استعمال کی جائے گی۔

انگلش ٹیم میں شامل ہونے والے جیمز اینڈرسن نے انگلینڈ کی جانب سے سب سے زیادہ 632 وکٹیں حاصل کیں ہیں ، انہوں نے اپنے کیرئیر میں ایڈیلیڈ اوول کے اسی گراؤنڈ میں 2018 میں ڈے نائٹ ٹیسٹ میچ میں 43 رنز دے کر 5 وکٹیں حاصل کیں تھی۔

جیمز اینڈرسن نے ٹیم میں واپیس پر کہا کہ میچ سے باہر ہونا بڑا تکلیف دہ مرحلہ ہوتا ہے مگر اسے اپنے اور ٹیم کے تناظر میں دیکھا جائے تو یہ ہمارے حق میں بہترین فیصلہ ہوتا ہے۔