'یوم پاکستان پر پی ڈی ایم کی مارچ کی کال انتہائی غیر ذمہ دارانہ اور غیر اخلاقی اقدام ہے'

‘یوم پاکستان پر پی ڈی ایم کی مارچ کی کال انتہائی غیر ذمہ دارانہ اور غیر اخلاقی اقدام ہے’

ویب ڈیسک

06th Dec, 2021. 08:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘یوم پاکستان پر پی ڈی ایم کی مارچ کی کال انتہائی غیر ذمہ دارانہ اور غیر اخلاقی اقدام ہے’

Sheikh Rasheed lashes out on Opposition in a media talk

وزیرِ داخلہ شیخ رشید احمد نے حکومت مخالف اتحاد پی ڈی ایم کی 23 مارچ کو اسلام آباد کی جانب مارچ کی کال پر ردعمل کا اظہار کرتے ہوئے کہا کہ یوم پاکستان پر پی ڈی ایم کا مارچ کی کال دینا ایک انتہائی غیر ذمہ دارانہ اور غیر اخلاقی اقدام ہے۔

شیخ رشید احمد نے کہا تئیس مارچ کو افواج پاکستان قومی دن پر روایتی پریڈ کرتی ہیں، جس میں پاکستانی عوام سمیت غیر ملکی سفیر اور مندوب بھی شرکت کرتے ہیں۔

وزیر داخلہ نے کہا کہ پریڈ کی تیاری کے حوالے سے دارالحکومت اسلام آباد کو سیکیورٹی الرٹ پر رکھا جاتا ہے۔ تیاری کے لئے بعض راستے دو تین روز قبل بند بھی کردئیے جاتے ہیں۔

شیخ رشید نے کہا کہ ایسے وقت پر مارچ کی کال ملک دوستی نہیں۔ مناسب ہوگا اگر پی ڈی ایم مارچ کی کال اپریل میں لے جائے۔

ان کا مزید کہنا تھا کہ یومِ پاکستان کو عوام کے نام پراحتجاج اور خلفشار کے دن کے طور پر اجاگر کرنا پی ڈی ایم کا ملک مخالف قوتوں کی خدمت کرنے کے مترادف ہے۔

خیال رہے کہ پی ڈی ایم کے سربراہ مولانا فضل الرحمان کی زیر صدارت اجلاس میں 23 مارچ کو اسلام آباد کی جانب مارچ کا اعلان کیا گیا ہے۔