وفاقی وزیر مراد سعید نے ڈھابے کے مالک دلیپ مکھی کو ٹیلی فون کیا خیریت دریافت کی۔

مراد سعید نے دلیپ مکھی سے پوچھا آپ کا ڈھابہ یہاں کب سے ہے، کیا کبھی نوٹس آیا؟

ڈھابہ مالک دلیپ مکھی نے کہا کہ کافی ٹائم سے ہیں لیکن کبھی نوٹس نہیں آیا ، انتظامیہ والے پہلی دفعہ یہاں آئے اور جھںڈا بھی اتارنے کا کہا۔

مراد سعید نے ڈھابہ مالک کو دلاسہ دیتے ہوئے کہا کہ آپ نے ٹینشن نہیں لینی گبھرانا نہیں، آپ سب کی مہمان نوازی اور محبت دیکھ کر انشاءاللہ آپ کے پاس بار بار آئیں گے۔

وفاقی وزیر مراد سعید نے کہا کہ 29 کو سکھر اور 30 کو لاڑکانہ آرہا ہوں۔

ڈھابہ مالک نے دلیپ مکھی نے کہا کہ سر ٹینشن لینے والے نہیں، بس ایک خواہش ہے کہ اگلی دفعہ جب آئیں تو میرے ڈابے پر آپ نے چائے پینی ہے۔

وفاقی وزیر مراد سعید عمر کوٹ جلسے کے بعد ایک ڈھابے پر رکے تھے، تاہم ان کی واپسی کے بعد سندھ انتظامیہ نے ڈھابے پر چھاپہ مارا۔

انتظامیہ نے ڈھابے کے مالک کو جھنڈا اتارنے کا کہا اور پوچھا جھنڈا کیوں لگایا؟ مراد سعید کو چائے کیوں پلائی؟

کل اس حوالے سے ڈھابے والے کی ویڈیو سامنے آئی تھی۔

پرچی چیرمئین کی “جمہوریت” دیکھئے ایک غریب بندے کا ڈابہ آج غیر قانونی ہوا کہ مراد سعید اور گورنر کو چائے کیوں پلائ ؟سندھ میں حکومتی مافیا عوام کا خون چوس رہا، زرداری کے “بہادر بچے” وردی میں موت بانٹ رہے اور سوال پوچھنے والے مارے جاتے ہیں ۔ ۳۰ کو لاڑکانہ میں ملاقات ہوگی انشاءاللہ pic.twitter.com/NHLjVScLOL

Advertisement

— Murad Saeed (@MuradSaeedPTI) December 18, 2021

مراد سعید نے کہا کہ سندھ کے حکمرانوں نے سندھ کی جو حالت کی ہے اس پر دل دُکھی ہے۔ پانی زہریلا ہے، صحت کی سہولت نہیں، سکولوں میں بھیڑ بکریاں باندھی گئی ہیں، پولیس والے زرداری کے بہادر بچے بن کر وردی میں موت بانٹ رہے ہیں۔

مراد سعید نے مزید کہا کہ گندم باقی پاکستان سے 350 روپے مہنگا مل رہا ہے، جمہوریت کا بھاشن دینے والے ہر اٹھنے والی آواز کو دبانے کے لیے پولیس کا استعمال کرتے ہیں، ان کا خوف بتا رہا ہے کہ یہ بوکھلاہٹ کا شکار ہو چکے ہیں۔

وفاقی وزیر نے کہا کہ مراد علی شاہ، زرداری کے کرپشن کا سہولت کار بننے کی بجائے سندھ کے عوام کے لیے آسانی پیدا کریں۔

ان کا مزید کہنا تھا کہ جہاں پی ٹی آئی کی حکومت ہے وہاں مفت علاج کے لیے دس لاکھ روپے کا صحت انصاف کارڈ ہے، سندھ میں یہ کیوں اس کے خلاف ہیں؟

انہوں نے کہا کہ اشیا خورد نوش کے لیے سبسڈی دینے پر تمام صوبوں کا وفاق سے اتفاق ہے، سندھ کیوں خلاف ہے؟