کراچی میں ڈاکوؤں کا راج جاری، فائرنگ سے نوجوان طالب علم جاں بحق

ویب ڈیسک

04th Dec, 2021. 12:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں ڈاکوؤں کا راج جاری، فائرنگ سے نوجوان طالب علم جاں بحق

کراچی میں ڈاکوؤں کا راج جاری ہے، کراچی کے علاقے بلدیہ ٹاؤن میں لوٹ مار کا واقعہ پیش آیا ہے۔

تفصیلات کے مطابق موبائل فون چھینے کے دوران مزاحمت پر ڈاکوؤں نے فائرنگ کردی جس کے نتیجے میں ایک نوجوان طالب علم جاں بحق ہوگیا۔

پولیس کا کہنا ہے کہ ہلاک ہونے والا 18 سالہ مہتاب طالب علم تھا، ڈاکو موبائل فون اور نقد رقم لوٹ کر فرار ہوگئے۔

اس سے قبل کراچی کے ڈرگ روڈ ناتھا خان پل کے قریب ٹریفک حادثہ پیش آیا جس کے نتیجے میں ایک خاتون جاں بحق ہوگئی۔

ریسکیو ذرائع کا کہنا ہے کہ حادثے میں جاں بحق ہونے والی خاتون کی لاش جناح اسپتال منتقل کردی گئی ہے۔

دوسری جانب کراچی کے علاقے گلشن اقبال بلاک 10 لال فلیٹ کے قریب ڈکیتی مزاحمت پر فائرنگ سے ایک شخص زخمی ہوگیا۔

واضح رہے کہ کراچی کے علاقے گلشن اقبال سرسید یونیورسٹی کے قریب پولیس مقابلہ ہوا جس کے باعث ایک ڈاکو ہلاک ہوگیا۔

پولیس کا کہنا ہے کہ ہلاک ڈاکو کے 2 ساتھی فرار ہوگئے، ہلاک ملزم کے قبضے سے اسلحہ اور مسروکہ موٹرسائيکل برآمد ہوئی ہے۔