اختیارات سے تجاوز اور غیر قانونی حراست کسی صورت قابل قبول نہیں، آئی جی پنجاب

ویب ڈیسک

29th Dec, 2021. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اختیارات سے تجاوز اور غیر قانونی حراست کسی صورت قابل قبول نہیں، آئی جی پنجاب

آئی جی پنجاب راؤ سردار علی خان نے کہا ہے کہ اختیارات سے تجاوز اور غیر قانونی حراست کسی صورت قابلِ قبول نہیں۔

تفصیلات کے مطابق آئی جی پنجاب نے فیصل آباد کے علاقہ مریدوالا میں شہری کو غیر قانونی حراست میں رکھنے کے واقعے کا نوٹس لے لیا اور آر پی او فیصل آباد سے رپورٹ طلب کرلی۔

آئی جی پنجاب نے شہری کو غیر قانونی حراست میں رکھنے پر متعلقہ ایس ایچ او کے خلاف مقدمہ درج کرنے کا حکم دے دیا۔

سی پی او فیصل آباد نے واقعے کی اطلاع ملنے پر کل ایس ایچ او مرید والا کو معطل کیا تھا۔

آئی جی پنجاب راؤ سردار علی خان کا کہنا تھا کہ واقعے کی تمام پہلوؤں سے انکوائری کر کے سخت قانونی کارروائی عمل میں لائی جائے، اختیارات سے تجاوز اور غیر قانونی حراست کسی صورت قابلِ قبول نہیں۔

ان کا کہنا تھا کہ ایسے منفی عناصر پنجاب پولیس کے امیج کو خراب کرتے ہیں، پنجاب پولیس میں کالی بھیڑوں کی کوئی جگہ نہیں۔