آسٹریلیا اور انگلینڈ کے مابین ایشز سیریز کے دوسرے ٹیسٹ میچ کے پہلے دن آسٹریلیا نے پہلی اننگ میں 2 وکٹوں کے نقصان پر 221 رنز بنا لئے۔

آسٹریلیا کے شہر ایڈیلیڈ میں پنک بال اور برقی قمقموں کی روشنی میں جاری اس ٹیسٹ میچ کے پہلے دن آسٹریلیا نے اپنی گرفت مظبوط بنا لی ہے۔

آسٹریلیا کی اننگ کا آغاز اچھا نہ تھا ، اوپنر مارکوس ہیرس صرف تین رنز بنانے کے بعد بٹلر کو کیچ تھما کر پویلین واپس لوٹ گئے ، ان کی وکٹ براڈ نے لی، اس وقت آسٹریلیا کا اسکور صرف چار رنز تھا۔

ون ڈاؤن آنے والے مارنس لیبوشین نے ڈیوڈ وارنر کے ساتھ مل کر ایک اچھی شراکت داری قائم کی ، دونوں کھلاڑیوں نے دوسری وکٹ کے لئے 172 رنز کی پارٹنر شپ قائم کی۔

مارنس لیبوشین نے دو ڈراپ کیچز کا بھرپور فائدہ اٹھاتے ہوئے 95 رنز بنائے ، جبکہ ڈیوڈ وارںر 95 رنز بنا کر بین اسٹوکس کی گیند پر آؤٹ ہو کر پویلین واپس لوٹ گئے، مارنس لیبوشین کا ساتھ دینے کے لئے نائٹ واچ مین کے طور پر کپتان اسٹیون اسمتھ 18 رنز کے ساتھ کریز پر موجود ہیں۔

انگلینڈ کی جانب سے ایشز سیریز کے دوسرے ٹیسٹ میچ کے لئے تجربہ کار جیمز اینڈرسن اور اسٹورٹ براڈ کو ٹیم میں شامل کیا گیا مگر دونوں بالرز آسٹریلوی بلے باز کو پریشان کرنے میں مکمل طور پر ناکام نظر آئے۔