اوگرا نے مسلسل دوسرے ماہ بھی درآمدی ایل این جی سستی کردی ہے۔
اوگرا کی جانب سے دسمبر کیلئے درآمدی ایل این جی کی نئی قیمتوں کا نوٹیفکیشن جاری ہوا ہے جس کے مطابق سوئی ناردرن سسٹم پر ایل این جی 3.05 ڈالر فی ایم ایم بی ٹی یو سستی ہوئی ہے۔
جاری کردہ نوٹیفکیشن کے مطابق سوئی سدرن سسٹم پر ایل این جی کی قیمت میں 3.04 ڈالر فی ایم ایم بی ٹو یو کمی ہوئی جبکہ سوئی ناردرن سسٹم پر ایل این جی کی نئی قیمت 12.62 ڈالر فی ایم ایم بی ٹو یو مقرر کی گئی۔
نوٹیفکیشن میں کہا گیا کہ سوئی سدرن سسٹم پر ایل این جی کی نئی قیمت 12.37 ڈالر فی ایم ایم بی ٹی یو مقرر کی گئی۔
واضح رہے کہ سوئی ناردرن سسٹم پر نومبر میں ایل این جی کی قیمت 15.67 ڈالر فی ایم ایم بی ٹو یو تھی، سوئی سدرن سسٹم پر نومبر میں ایل این جی کی قیمت 15.42 ڈالر فی ایم ایم بی ٹی یو تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News