تعلیمی سال 2021 طلباء کے لیے خاصا خوش آئند رہا، میٹرک اور انٹرنتائج میں بڑی تعداد نے 100 فیصد نمبر حاصل کیے۔

یوں تو سال  2021میں بھی کوروناکے بادل چھائے رہے اور تعلیمی ادارے مرحلہ وار کھلتے اور بند ہوتے رہے۔

 مگر یہ سال طلباء کے لیے خوشگوار ثابت ہوا، بڑی تعداد نے 100 فیصد نمبر حاصل کرکے ریکارڈ بنائے۔

صوبہ میں پرائمری جماعت تک یکساں نصاب متعارف کروایا گیا، کورونا چھٹیوں کے حوالے سے ٹویٹر پروفاقی وزیر تعلیم طالب علموں میں خاصے مقبول رہے۔

خاتون ٹیچر نے کہا کہ لوگوں کی آمدن نہ ہونے کی وجہ سے طالب علم کووڈ 19 کے دوران بہت کم آئے۔

ماہر تعلیم رضاالرحمن نے کہا کہ کووڈ 19 کے دوران اسکول کھلتے اور بند ہوتے رہے جس کی وجہ سے بچوں کی تعلیم کا خاصہ حرج ہوا اور ذہنی طور منفی اثرات پڑے۔

پنجاب کے منتخب اضلاع میں انصاف آفٹرنون اسکولوں کامنصوبہ شروع کیاگیا۔

ٹرانسجینڈرکے لیے پہلا اسکول قائم ہوا، اسکولوں میں پانچویں جماعت تک یکساں نصاب تعلیم متعارف کروایاگیا۔

2021 میں سال کا آغاز تبدیل کرتے ہوئے نئے تعلیمی سال کا آغاز اگست سے کرنے کا فیصلہ ہوگیا۔

صوبے میں پانچ نئی یونیورسٹیز اور 86کالجزبنائے گئے، انٹرمیڈیٹ امتحانات میں رلیٹوگریڈنگ سسٹم متعارف کروایاگیا۔

طلباء آن لائن امتحانات اورفیسوں کے معاملے پر احتجاج کرتے نظرآئے، سرکاری کالجوں میں کم سیٹوں کے باعث طلباء کودشواری کا سامنا بھی رہا۔