اخوت اور رواداری پر مبنی سندھی ثقافت کا حسن سب سے جدا ہے، عثمان بزدار

ویب ڈیسک

05th Dec, 2021. 03:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اخوت اور رواداری پر مبنی سندھی ثقافت کا حسن سب سے جدا ہے، عثمان بزدار

وزیر اعلیٰ پنجاب سردار عثمان بزدار نے کہا ہے کہ اخوت اور رواداری پر مبنی سندھی ثقافت کا حسن سب سے جدا ہے۔

سردار عثمان بزدار نے سندھ ثقافت کے دن پر سندھ کی عوام کو مبارکباد دی، اس موقع پر ان کا کہنا تھا کہ سندھ کی ثقافت کا شمار دنیا کی منفرد اور قدیم ثقافتوں میں ہوتا ہے، سندھ کی ثقافت کے رنگ محبت اور یگانگت سے بھرپور ہیں۔

انہوں نے کہا کہ سندھ میں بسنے والے ہمارے بہن بھائی ہیں، اخوت اور رواداری پر مبنی سندھی ثقافت کا حسن سب سے جدا ہے، سندھ کی ثقافت تاریخ کی عظیم تہذیب کی آئینہ دار ہے۔

واضح رہے کہ وادی سندھ کی صدیوں پرانی تہذیب کو فروغ دینے کے لیے آج سندھ کا ثقافتی دن روایتی جوش و جذبے کے ساتھ منایا جا رہا ہے، اس دن کو منانے کے لیے صوبے بھر میں سرکاری اور غیر سرکاری سطح پر مختلف پروگرام منعقد کیے گئے ہیں۔

عوام کی جانب سے ثقافتی دن پر مختلف مقامات سے ریلیوں کا بھی انعقاد کیا گیا ہے، لوگ سندھ ٹوپی اور اجرک پہن کر سندھ ثقافتی میوزک پر جھوم رہے ہیں اور بچوں کی موج مستیاں بھی جاری ہیں۔

خیال رہے کہ ثقافتی تقریبات میں تقاریر، اسٹیج ڈراماز اور سندھی فنکار اپنے فن کا مظاہرہ کر رہے ہیں۔