اویس قادر شاہ نے کہا ہے کہ کراچی میں ریڈلائن منصوبےکاسنگ بنیاد رکھنے کی تقریب جلد ہوگی۔

 وزیرٹرانسپورٹ اویس قادر شاہ نے کہا ہے کہ سندھ حکومت 58کروڑ روپے کا چیک دے چکی ، وفاق کہتا ہے تو ثبوت کے پینا فلیکس لگا دیں؟ بغیرکسی معاہدے کے پیسے دیں تونیب کے نوٹس آنا شروع ہوجاتے ہیں۔

انہوں نے کہا کہ اسدعمرجھوٹ بولتےہیں پیسےنہیں ملے ، سندھ حکومت نے چیک جمع کروا دیا ہے ، ہمارے پاس ثبوت ہیں ، اسد عمرجھوٹا ثابت کریں ، وزارت چھوڑ دوں گا ، وفاقی حکومت نے گزشتہ روز کراچی کے ساتھ تیسرا مذاق کیا ، کراچی میں ریڈلائن منصوبے کا سنگ بنیاد رکھنے کی تقریب جلد ہوگی۔

اویس قادر شاہ نے کہا کہ پی ٹی آئی نے کے سی آرمنصوبہ سی پیک سے نکلوا دیا، ایک بندے نے کہا وزیرٹرانسپورٹ میرے سامنے آکرکھڑے ہوں ، میں اس بندے کوکہتا ہوں آؤ باہر چوراہے پرکھڑا ہوں ، گرین لائن منصوبہ 2016 میں ن لیگ کے دورمیں شروع ہوا۔

وزیرٹرانسپورٹ اویس قادر شاہ نے کہا ہے کہ وزیراعظم نے2018میں گورنرہاؤس میں بریفنگ لی ، کہا گیا سندھ حکومت سے پیسے نہیں لیں گے خود خرچہ کرینگے ، گرین لائن منصوبہ سندھ حکومت کےحوالے نہیں کیا گیا۔