ڈی جی رینجرز سندھ میجرجنرل افتخارحسن چوہدری نے اقراء یونیورسٹی نارتھ کراچی کیمپس کا دورہ کیا، اس موقع پر یونیورسٹی کے چیئرمین حنید حسین لا کھانی، وائس چا نسلرڈاکٹروسیم قا ضی، انتظامیہ اور طلباء نے ان کا استقبال کیا۔

ڈی جی رینجرز کو یونیورسٹی کے مختلف شعبہ جات کا دورہ کرایا گیا، اس موقع پرانہوں  نے تعلیم کے میدان میں چیئر مین حنید حسین لاکھا نی اور اقراء یونیورسٹی کی خد مات کو خراج تحسین پیش کیا۔

میجرجنرل افتخارحسن چوہدری نے کہا کہ بہت ساری کمزوریوں اور وسا ئل کی کمی کے با وجود تعلیم و صحت کے میدان میں کراچی کے شہریوں کا تعاون اور جذبہ مثا لی ہے۔

 ڈی جی رینجرز نے مزید کہا کہ تیزی سے تبدیل ہوتے ہوئے ٹیکنالوجی کے عوامل، انفارمیشن ایج اور منشیات جیسے بڑے ایشوز کا تقا ضا ہے کہ طلباء و طا لبات نہ صر ف تعلیم حا صل کریں بلکہ اس کے ساتھ سا تھ اپنے آپ کو جدید سوچ، رویوں اور چیلنجز کے ساتھ ہم آہنگ بھی رکھیں۔

میجرجنرل افتخارحسن کا کہنا تھا کہ ہمارے درست معاشرتی رویے اور اقدار ہی ہمیں ان حالات میں کامیابی کی طرف لے جا سکتے ہیں۔

  اس موقع پر یونیورسٹی کے چیئرمین، وائس چانسلر، انتظامیہ اور طلباء نے قیام امن میں رینجرز کی کوششوں کو سراہا۔